Бо қарори Ҳукумати ҶТ аз 6.05.2011 № 250 аз эътибор соқит дониста шуд.   

Ҳукумати Ҷумҳурии Тоҷикистон

ҚАРОР

Дар бораи Вазорати нақлиёт ва коммуникатсияи Ҷумҳурии Тоҷикистон

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷнҳати иҷрои Фармони Президенти Ҷумҳурии Тоҷикистон аз 30 ноябри соли 2006 № 9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон" Ҳукумати Ҷумҳурии Тоҷикистон қарормекунад:

1. Низомнома, Сохтори Дастгоҳи марказӣ, Нақшаи идоракунӣ ва Номгӯи корхонаҳо, муассисаҳо ва дигар ташкилотҳои системаи Вазорати нақлиёт ва коммуникатсияи Ҷумҳурии Тоҷикистон тасдиқ карда шаванд (замимаҳои 1, 2, 3 ва 4).

2. Шумораи ниҳоии кормандони Вазорати нақлиёт ва коммуникатсияи Ҷумҳурии Тоҷикистон ба микдори 436 нафар (бе ҳайати хизматрасон), аз ҷумла Дастгоҳи марказӣ ба миқдори 130 нафар (бе ҳайати хизматрасон) муқаррар карда шавад (қарори Ҳукумати ҶТ аз 20.11.2008с. № 569, аз 02.02.2009с. № 83, аз 28.05.2009 № 326).

3. Ба Вазорати нақлиёт ва коммуникатсияи Ҷумҳурии Тоҷикистон иҷозат дода шавад, ки 4 муовини Вазир, аз ҷумла як муовинн аввал ва ҳайати мушовара иборат аз 9 нафар дошта бошад (қарори Ҳукумати ҶТ аз 20.11.2008с. № 569, аз 28.05.2009 № 326).

4. Барои Вазорати нақлиёт ва коммуникатсияи Ҷумҳурии Тоҷикистон лимити автомобилҳои хизматӣ ба миқдори 26 адад, аз ҷумла барои Дастгоҳи марказӣ 10 адад муқаррар карда шавад.

5. Мабдағгузории Дастгоҳи марказӣ ва мақомоти дар Нақшаи идоракунии Вазорати иақлиёт ва коммуникатсияи Ҷумҳурии Тоҷикистон зикршуда аз ҳисоби маблағҳои буҷети ҷумхуриявӣ ва маблағҳои махсус дар мувофиқа бо Вазорати молияи Ҷумҳурии Тоҷикистон анҷом дода шавад.

6. Вазорати нақлиёт ва коммуникатсияи Ҷумҳурии Тоҷикистон дар мӯҳлати ду моҳ:

- низомномаҳои мақомоти дар Нақшаи идоракунии Вазорат нишондодашударо таҳия намуда, ба баррасии Ҳукумати Ҷумҳурии Тоҷикистон пешниҳод намояд;

- доир ба ворид намудани тағйиру иловаҳо ба санадҳои соҳавии меъёрии ҳуқуқии Ҷумҳурии Тоҷикистон таклиф пешниҳод намояд;

- санадҳои худро бо қарори мазкур мувофиқ намояд.

7. Беэьтибор дониста шаванд:

- қарори Ҳукумати Ҷумҳурии Тоҷикистон аз 29 декабри соли 2000 № 485 "Дар бораи Вазорати нақлиёти Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 5 июли соли 2001 № 337 "Дар бораи Вазорати алоқаи Ҷумҳурии Тоҷикистон";

-қарори Ҳукумати Ҷумҳурии Тоҷикистон аз 4 марти соли 2002 № 102 "Дар бораи ворид намудани тағйироту иловаҳо ба қарори Ҳукумати Ҷумҳурии Тоҷикистон аз 29 декабри соли 2000 № 485 "Дар бораи Вазорати ниқлиёти Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 4 августи соли 2003 № 347 "Дар бораи ворид намудани тағйироту иловаҳо ба қарори Ҳукумати Ҷумҳурии Тоҷикистон аз 29 декабри соли 2000 № 485 "Дар бораи Вазорати нақлиёти Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 3 июни соли 2006 № 255 "Оид ба ворид намудани тағйироту иловаҳо ба қарори Ҳукумати Ҷумҳурии Тоҷикистон аз 5 июли соли 2001 № 337 "Дар бораи Вазорати алоқаи Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 31 августи соли 2004 № 361 "Масъалаҳои Департаменти авиатсияи граждании Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 3 июни солн 2006 № 257 "Оид ба ворид намудани тағйироту иловаҳо ба қарори Ҳукумати Ҷумҳурии Тоҷикистон аз 31 августи соли 2004 № 361 "Масъалаҳои Департаменти авиатсияи граждании Ҷумҳурии Тоҷикистон".