ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи чорабиниҳо оид ба татбиқи Қонуни Ҷумҳурии Тоҷикистон "Дар бораи ҳимояи ҳуқуқи истеъмолкунандагон"

Мутобиқи моддаҳои 9, 18, 20, 25, 36 Қонуни Ҷумҳурии Тоҷикистон "Дар бораи ҳимояи ҳуқуқи истеьмолкунандагон" Ҳукумати Ҷумҳурии Тоҷикистон қарор мекунад:

1. Номгӯй ва Қоидаҳои зерин тасдиқ карда шаванд:

- Номгӯи намудҳои алоҳидаи мол (кор, хизматрасони) ва тарзи расонидани маълумот ба истеъмолкунанда (замимаи 1);

- Номгӯи молоҳи аз нигоҳи техники мураккабе, ки ҳангоми дар ин молҳо ошкор шудани камбудиҳои назаррас талаби истеъмолкунанда дар бораи иваз намудани онҳо бояд қонеъ гардонида шавад (замимаи 2);

- Номгӯи молҳои истифодаашон дарозмӯҳлат, ки ба онҳо талаботи харидор дар бораи ба шакли бебозгашт ба ӯ пешниҳод намудани моли ба ҳамон монанд дар давраи таъмир ё ивазкуни дахл надорад (замимаи 3);

- Номгӯи молҳои ғайрихӯроквории хушсифате, ки ба моли ба ҳамон монанди дорои андоза, шакл, ҳаҷм, намуд, ороиш ва бастааш дигар иваз ё баргардонида намешавад (замимаи 4);

- Номгӯи молҳое, ки дар маълумотномаи он норавоии истифодаи онҳо ҳангоми намудҳои алоҳидаи бемори зикр шуда бошанд (замимаи 5);

- Қоидаҳои пешниҳоди хизматрасониҳо оид ба партовҳои дурушт ва моеи маиши (замимаи 6);

- Қоидаҳои пешниҳод намудани хизматрасонии меҳмонхонаҳо (замимаи 7);

- Қоидаҳои хизматрасониҳои хӯроки умуми (замимаи 8):

- Қоидаҳои хизматрасониҳои коммунали (замимаи 9):

- Қоидаҳои хизматрасонии маишии аҳоли (замимаи 10).

2. Агентии давлатии сиёсати зиддимонополи ва дастгирии соҳибкорни назди Ҳукумати Ҷумҳурии Тоҷикистон, Агентии стандартизатсия, метрология, сертификатсия ва инспексияи савдои назди Вазорати иқтисод ва савдои Ҷумҳурии Тоҷикистон, Маркази Ҷумҳуриявии назорати давлатии санитарию эпидемиологии Вазорати тандурустии Ҷумҳурии Тоҷикистон ва Маркази давлатии экспертиза, сертификатсияи маҳсулоти фарматсевти техникаи тибби, таҷҳизоти таъиноти тибби ва санитарию гигиени, маҳсулоти истеъмоли ғизоии табобатию профилактики, иловагиҳои ғизои ва маводи косметикии Вазорати тандурустии Ҷумҳурии Тоҷикистон, Кумитаи давлатии ҳифзи муҳити зист ва хоҷагии ҷангали Ҷумҳурии Тоҷикистон, мақомоти иҷроияи маҳаллии ҳокимияти давлати ва мақомоти дигар дар доираи салоҳияташон иҷрои талаботи санадҳои меъёрии ҳуқуқии зикргардидаро таъмин намоянд.

Номгӯи намудҳои алоҳидаи мол (кор, хизматрасонӣ) ва тарзи расонидани маълумот ба истеъмолкунанда

1. Маълумотнома дар бораи мол бояд ҳатман мавзӯъҳои зеринро фаро гирад:

- номи мол (кор, хизматрасони);

- номи фирмави (ном) ва маҳалли ҷойгиршавии (нишонии ҳуқуқи) истеҳсолкунандаи мол, маҳалли ҷойгиршавии ташкилот (ташкилотҳо)-е, ки барои қабули шикоятҳои истеъмолкунандагон ва анҷом додани тармиму хизматрасонии техникии мол аз ҷониби истеҳсолкунанда (фурӯшанда) воколатдор карда шудааст;

- нишон додани стандартҳое, ки бояд мол (кор, хизматрасони) ба талаботи ҳатмии онҳо мувофиқат кунад;

- маълумот дар бораи қоидаҳои фурӯши молҳои (корҳо, хизматрасониҳои) номнависшуда, ки дорои (патент) нишонагузории мол ё нишонагузории хизматрасони ҳастанд;

- зикри шахси мушаххасе, ки кор (хизматрасони)-ро иҷро мекунад ва агар ин аҳамият дошта бошад, маълумот дар хусуси ӯ бо назардошти хусусияти кор (хизматрасони);

- зикри истифодаи фонограммаҳо ҳангоми хизматрасонии фароғати аз ҷониби иҷрокунандагони асарҳои мусиқи;

- қоидаву шартҳои истифодаи самаранок ва бехатарии мол (кор, хизматрасони);

- мӯҳлати кафолат, агар он барои мол (кор, хизматрасони) муқаррар шуда бошад,

- мӯҳлати хизмат ё мӯҳлати коршоямии мол (кор, хизматрасони), ки мутобиқи санадҳои меъёрии ҳуқуқии Ҷумҳурии Тоҷикистон муқаррар карда шудааст ва ҳамчунин маълумот дар бораи амали зарурии истеъмолкунанда баъди гузаштани мӯҳлати мазкур ва оқибати имконпазир дар сурати иҷро накардани чунин амал, ба шарте, ки мол (кор, хизматрасони) баъди гузаштани мӯҳлати зикршуда барои ҳаёт, саломати ва амволи истеъмолкунанда хавфу хатар пеш оварад ё худ барои истифода аз рӯи таъинот корношоям шавад;

- нарх ва шарти харидани мол (кор, хизматрасони);

- таърих (сана)-и истеҳсоли мол (кор, хизматрасони);

- ӯҳдадориҳои кафолатии истеҳсолкунанда (иҷрокунанда);

- маълумот бо роҳи коди хаткашида (штрихи) аз рӯи алифбо ва рақамгузори.

2. Маълумот дар бораи молҳои хӯроквори мувофиқи талаботи ҳатмии стандартҳо, вобаста ба навъи молҳо ба ғайр аз маълумотҳое, ки дар банди 1 Номгӯи мазкур зикр гардидаанд, бояд маълумоти зеринро фаро гирад;

- номи ингредиентҳои ба таркиби маҳсулоти хӯроквори дохилшаванда, бо шумули иловаҳои ғизои;

- маълумот дар бораи арзиши энергетики ва ғизои (калориянокии маҳсулот, сафеданоки, равғанноки, карбогидратҳо, витаминноки, микроэлементҳо) вазн ё ҳаҷм;

- соҳаи истифода (барои ғизои кӯдакон, табобатию профилактики ё парҳези иловаҳои ғизои);

- усулҳо ва шартҳои тайёр кардан (барои консентратҳо ва маҳсулоти нимтайёр) ва истифода (барои ғизои кӯдакон, табобатию профилактики ва парҳези);

- шартҳои нигоҳдори (барои молҳое, ки барои онҳо талаботи ҳатмии шароити нигоҳдори муқаррар гардидаанд;

- таърихи истеҳсол;

- аломати манъи истеъмол дар ҳолатҳои гирифтори ба навъҳои алоҳидаи бемориҳо (барои молҳое, ки маълумот дар бораи онҳо бояд ҳатман аломати манъи истеъмол дар ҳолати гирифтори ба навъҳои алоҳидаи бемориҳоро дошта бошад).

3. Маълумотҳои дар Номгӯи мазкур пешбинишуда дар ҳуҷҷатҳои техникии бо молҳо замимашаванда, дар барномаҳо, тамғаҳо ё ба воситаҳои дигаре, ки барои навъҳои алоҳидаи молҳо қабул шудааст, ба маълумоти харидор расонида мешавад.

Ҳуҷҷатҳои техники инҳоро дар бар мегиранд:

- шиносномаи техники:

- дастури истифодабари.

Маълумоти барнома мазмуни зеринро дар бар мегирад:

- номи умумии маҳсулот;

- вазн, ҳаҷм, андоза, пурраги, қад;

- таркиби ашёи хом, нисбат ба маводи ғизои бошад, номгӯи маҳсулоти истифодашаванда, иловаҳои ғизои, рангдиҳандаҳо, такмилдиҳандаҳо ва ғайра;

- калорияноки;

- таърихи истеҳсол;

- мӯҳлати коршоями;

- шартҳои нигоҳдори;

- ному нишони истеҳсолкунанда (тайёркунанда).

Тамға бояд дорои маълумоти зерин бошад:

- номи маҳсулот;

- миқдори номиналии маводи ғизои дар воҳидҳои ченаки муқарраршуда (вазн, ҳаҷм);

- андоза, пурраги, қад, ҳаҷм, навъ ва ғайра;

- таркиби ашёи хом, нисбат ба маводи ғизои бошад, агар онҳо аз якчанд тартибдиҳандагон тайёр карда шуда бошанд, бо нишон додани номгӯи номҳои дар ҷараёни тайёр кардани дигар маводи ғизои, иловаҳои ғизои, рангдиҳандаҳо, моддаҳо ё пайвастагиҳои химиявии дигари истифодашуда:

- қувватноки (ғизоноки) (барои маводи ғизое, ки онро доранд);

- таърихи истеҳсол;

- мӯҳлати истеъмолбоб будан ё таърихи гузаштани мӯҳлати коршоями ва истеъмол;

- шартҳои нигоҳдори;

- нишон додани ҳуҷҷати меъёри:

- ному нишони истеҳсолкунанда, ҷои истеҳсол;

- шартҳои истифода, агар онҳо пешбини шуда бошанд;

- фоизи иловаҳои дигари синтетикию сунъи.

Номгӯи молҳои аз нигоҳи техникӣ мураккабе, ки ҳангоми дар ин молҳо ошкор шудани камбудиҳои назаррас талаби истеъмолкунанда дар бораи иваз намудани онҳо бояд қонеъ гардонида шавад

1. Воситаҳои нақлиёти автомобили, агрегатҳои рақамдор ва қисмҳои эҳтиёти ба онҳо

2. Мотосиклҳо, мотороллерҳо

3. Таҷҳизоти кино ва суратгири

4. Бозичаҳои электрони

5. Таҷҳизоти электронии радиотелевизиони

6. Компютерҳои шахси бо таҷҳизоти асосии перифери

7. Дастгоҳҳои телефону факс

8. Асбобҳои барқии мусиқави

9. Молҳои маиши-барқи

10. Тракторҳои кишоварзи, мотоблокҳо, мотокултиваторҳо

11. Таҷҳизоти маишии газ

12. Мошинаҳои дӯзандаги

Номгӯи молҳои истифодаашон дарозмӯҳлат, ки ба онҳо талаботи харидор дар бораи ба шакли бебозгашт ба ӯ пешниҳод намудани моли ба ҳамон монанд дар давраи таъмир ё ивазкунӣ дахл надорад

1. Автомобилҳо, мотосиклҳо ва дигар намудҳои мототехники, притсепҳо ва агрегатҳои рақамдори онҳо, ба ғайр аз молҳое, ки барои истифодаи маҷрӯҳон таъин шудаанд, киштиҳои саёҳати ва воситаҳои шиновари.

2. Мебел.

3. Асбобҳои маиши-барқие, ки ҳамчун воситаҳои ороиш ва бо мақсади тибби истифода мешаванд (ришгиракҳои барқи, фенҳои барқи, амбӯри барқи барои ороиши мӯй, рефлекторҳои барқии тибби, гармкунакҳои барқи, бинтҳои барқи, рӯйкашҳои барқи, болопӯши барқи).

4. Асбобҳои маишии барқи, ки барои коркарди термии маҳсулот ва тайёр кардани хӯрок истифода бурда мешаванд (печҳои маиши СВЧ, печҳои электрики, тостерҳо, обҷӯшонакҳои барқи, чойникҳои барқи, гармидиҳандаҳои барқи ва молҳои дигар).

5. Яроқи граждани, қисмҳои асосии яроқи оташфишони граждани ва хизмати.

Номгӯи ғайрихӯроквории хушсифат, ки ба моли ба ҳамон монанди дорои андоза, шакл, ҳаҷм, намуд, ороиш ва бастааш дигар иваз ё баргардонида намешаванд

1. Молҳо барои пешгири ва табобати бемориҳо дар шароити хона (ашёҳои санитария ва гигиена аз фулузот, резин, кешбофи ва маводи дигар, асбобу анҷом, таҷҳизоти тибби, воситаҳои тозагии даҳон, линзаи (шишаи) айнак, ашё барои нигоҳубини кӯдак, дорувори).

2. Ашёи гигиенаи шахси (мисвок, шона, мӯқаппак, бигуди барои мӯй, парикҳо, шинёнҳо ва дигар молҳои ба инҳо монанд).

3. Молҳо барои пардоз.

4. Молҳои бофандаги (матоъҳои пахтагин, катони, абрешими, пашми ва синтетики, молҳо аз маводи ғайриматоии навъи матоъ - лента, тасма, тӯр ва ғайра); маснуоти кабели (симҳо, шнурҳо, кабелҳо); маводи сохтмони ва пардозу ороиши (линолеум, пленка, қолинҳо ва ғайраҳо) ва молҳои дигаре, ки бо метраж фурӯхта мешаванд.

5. Маснуоти дӯзандагии либоси таг ва кешбофии либоси таг, ашёи ороиши занона, ашёи ороиши мардона (ба ғайр аз галстук ва регатҳо), маснуоти ҷуробу пайпоқ.

6. Маснуот ва маводе, ки бо маводи ғизоии аз материалҳои полимери тайёршаванда алоқаманданд, аз ҷумла барои истифодаи якдафъаина (зарфу анҷоми ошхона, зарфҳо ва борҷомаҳо барои нигоҳдори ва интиқоли маводи ғизои).

7. Молҳои кимиёии маиши, пеститситҳо ва агрохимикатҳо.

8. Мебели маиши (гарнитурҳо ва комлектҳои мебели).

9. Маснуот аз металҳои қиматбаҳо бо сангҳои қиматбаҳо, аз металҳои қиматбаҳо бо руфуи сангҳои нимқиматбаҳо ва синтетики, сангҳои қиматбаҳои суфташуда.

10. Молҳои аз нигоҳи техники мураккаби таъминоти маиши, ки дар онҳо мӯҳлати кафолат муқаррар шудааст (дастгоҳҳои маишии оҳанбури ва коркарди чӯб, асбобу анҷомҳои маишии электрики, техникаи маишии ҳисоббарори таҷҳизоти маишии радиоэлектрони, асбобҳои мусиқавии барқи, бозичаҳои электрони, таҷҳизоту асбобҳои маишии газ).

11. Яроқи граждани, қисмҳои асосии яроқи оташфишони граждани на хизмати, гирҳои онҳо.

12. Ҳайвонот ва наботот.

13. Нашрияҳои даври ва ғайридаври (китобу брошюраҳо, албомҳо, нашрияҳои картографи ва нотави, варақаҳо, тақвимҳо, буклетҳо, нашрияҳои маълумоти тавассути воситаҳои техники барқароршуда).

Номгӯи молҳое, ки дар маълумотномаи он норавоии истифодаи онҳо ҳангоми намудҳои алоҳидаи беморӣ зикр шуда бошанд

1. Иловаҳои ғизоии аз нигоҳи биологи фаъоле, ки таъсири рӯҳафзоиву гармонмонанд дошта, ба инкишофи узвҳои организми инсон таъсир мерасонанд (омехтаҳо, (консентратҳо)-и моддаҳои табий ё ба он монанди аз нигоҳи биологи фаъоле, ки аз ашёи хоми растани, ҳайвонот ё маъдани гирифта мешаванд).

2. Иловаҳои ғизои (зидди оксидкунандаҳо (турши), моддаҳо барои коркарди орд, моддаҳои пешгирикунандаи сахтшави ва кулӯлашави, моддаҳои ба нигоҳдории ранг мусоидаткунанда, унсурҳои нигоҳдорандаи нами, қиёмкунандаҳо, оҳанҳосилкунандаҳо, ғализкунандаҳо, ҳомузҳо (кислотаҳо), рангдиҳандаҳо, консервантҳо, оканишҳо (пуркунандаҳо), сахткунандаҳо, моддаҳои пешгирикунандаи кафккуни, пропелентҳо, ширинкунандаҳо, ковоккунандаҳо, танзимкунандаҳо, мӯътадилкунандаҳо, зичкунандаҳо, қувватдиҳандаҳои таъм ва бӯй, эмулгаторҳо, намакҳои эмульсияовар), инчунин маводи ғизоие, ки чунин иловаҳои ғизои доранд.

3. Маводи ғизоии таркибашон ғайрианъанави бо илова кардани унсурҳои сафедидори ба онҳо хос набуда.

*) Намудҳои алоҳидаи беморие, ки дар сурати гирифтори ба онҳо истеъмоли молҳо манъ карда шудааст, аз тарафи Вазорати тандурустии Ҷумҳурии Тоҷикистон муайян карда мешаванд.