Бо қарори Ҳукумати ҶТ аз 1.08.2015 № 508 аз эътибор соқит дониста шуд.

ҲУКУМАТИ ҶУМҲУРИИ ТОҶИКИСТОН

ҚАРОР

Оид ба Низомномаи стипендияҳои Президенти Ҷумҳурии Тоҷикистон барои хонандагони мактабҳои таҳсилоти умумӣ, литсейҳо, гимназияҳо, омӯзишгоҳҳои касби-техники, омӯзишгоҳҳо, техникумҳо ва коллеҷҳо

Ҷиҳати иҷрои Фармони Президенти Ҷумҳурии Тоҷикистон аз 14 июли соли 2005 № 1573 "Дар бораи таъсис додани стипендияҳои Президенти Ҷумҳурии Тоҷикистон барои хонандагони мактабҳои таҳсилоти умуми, литсейҳо, гимназияҳо, омӯзишгоҳҳои касби-техники, омӯзишгоҳҳо, техникумҳо ва коллеҷҳо" Ҳукумати Ҷумҳурии Тоҷикистон қарор мекунад:

1. Низомномаи замимагардида дар бораи стипендияҳои Президенти Ҷумҳурии Тоҷикистон барои хонандагони мактабҳои таҳсилоти умуми, литсейҳо, гимназияҳо, омӯзишгоҳҳои касби-техники, омӯзишгоҳҳо, техникумҳо ва коллеҷҳо тасдиқ карда шавад.

2. Қарори Ҳукумати Ҷумҳурии Тоҷикистон аз 3 августи соли 1998 № 300 "Оид ба тасдиқ намудани Низомнома дар бораи стипендияи Президенти Ҷумҳурии Тоҷикистон барои хонандагони мактабҳои таҳсилоти ҳамагони, литсейҳо, гимназияҳо, омӯзишгоҳҳои касби-техники, техникумҳо ва коллеҷхо" аз эътибор соқит карда шавад.