Дар Вазорати адлияи Ҷумҳурии Тоҷикистон

7 майи соли 2025, №1340  ба қайди давлатӣ

гирифта шудааст

РАЁСАТИ БОНКИ МИЛЛИИ ТОҶИКИСТОН

ҚАРОР

Мутобиқи қисми 1 моддаи 17 Қонуни Ҷумҳурии Тоҷикистон «Дар бораи Бонки миллии Тоҷикистон» ва моддаи 57 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» Раёсати Бонки миллии Тоҷикистон

1.Дастурамали № 262 оид ба захираҳои ҳатмии ташкилотҳои қарзӣ аз рӯйи пасандозҳо ва уҳдадориҳои дигари ба онҳо монанд тасдиқ карда шавад (замима мегардад).

2.Қарори мазкур барои бақайдгирии давлатӣ ба Вазорати адлияи Ҷумҳурии Тоҷикистон пешниҳод карда шуда, пас аз бақайдгирии давлатӣ ва интишори расмӣ мавриди амал қарор дода шавад.

3.Департаменти сиёсати монетарӣ, тадқиқотӣ ва рушд ваколатдор карда шавад, ки ҳангоми бақайдгирии давлатии қарори мазкур дар Вазорати адлияи Ҷумҳурии Тоҷикистон дар ҳолатҳои зарурӣ ба матни замимаи он тағйиру иловаҳои хусусияти таҳриридоштаро, ки мазмуни онро тағйир намедиҳанд, ворид намояд.

4.Иҷрои банди 2 қарори мазкур ба зиммаи котиби Раёсат, департаменти сиёсати монетарӣ, тадқиқотӣ ва рушд, идораи ҳуқуқ ва шуъбаи матбуот вогузор карда шавад.

5.Қарори Раёсати Бонки миллии Тоҷикистон аз 3 майи соли 2021, №74 «Оид ба Дастурамали №244 «Дар бораи захираҳои ҳатмии ташкилотҳои қарзӣ аз рӯи пасандозҳо ва уҳдадориҳои дигари ба онҳо монанд», ки дар Вазорати адлияи Ҷумҳурии Тоҷикистон 26 майи соли 2021, №238 «ё» ба қайди давлатӣ гирифта шудааст, аз эътибор соқит дониста шавад.

6.Назорати иҷрои қарори мазкур ба зиммаи раиси Бонки миллии Тоҷикистон – сарпарасти департаменти сиёсати монетарӣ, тадқиқотӣ ва рушд гузошта шавад.