ҲУКУМАТИ ҶУМҲУРИИ ТОҶИКИС

ҚАРОР

Дар бораи Тартиби таҳияи дурнамоҳои давлатӣ

Мутобиқи моддаҳои 4 ва 20 Қонуни Ҷумҳурии Тоҷикистон "Дар бораи банақшагирии стратегӣ ва дурнамосозии давлатӣ" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Тартиби таҳияи дурнамоҳои давлатӣ тасдиқ карда шавад (замима мегардад).

2. Мақоми ваколатдори давлатӣ оид ба банақшагирии стратегӣ ва дурнамосозии давлатӣ, вазорату идораҳо, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо, корхонаю муассисаҳо ва ташкилотҳои дигар ҳангоми таҳияи дурнамоҳои давлатӣ барои солҳои дахлдор аз рӯйи Тартиби мазкур амал намоянд.

3. Қарори Ҳукумати Ҷумҳурии Тоҷикистон аз 10 июни соли 2019, №279 "Дар бораи Тартиби таҳияи дурнамоҳои давлатии рушди иҷтимоию иқтисодии Ҷумҳурии Тоҷикистон барои ояндаи кӯтоҳмуҳлат, миёнамуҳлат ва дарозмуҳлат" аз эътибор соқит дониста шавад.