ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Низомномаи ташхиси тиббии ҳарбӣ

Мутобиқи моддаи 29 Кодекси тандурустии Ҷумҳурии Тоҷикистон, моддаи 40 Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Низомномаи ташхиси тиббии ҳарбӣ тасдиқ карда шавад (замима мегардад).

2. Вазорату идораҳои Ҷумҳурии Тоҷикистон, ки дар онҳо тибқи қонунгузории Ҷумҳурии Тоҷикистон хизмати ҳарбӣ пешбинӣ гардидааст, санадҳои меъёрии ҳуқуқии худро бо Низомномаи мазкур мутобиқ гардонанд.

3. Вазорати мудофиаи Ҷумҳурии Тоҷикистон вобаста ба нашр ва дастрас намудани Низомномаи мазкур ба вазорату идораҳои Ҷумҳурии Тоҷикистон, ки дар онҳо хизмати ҳарбӣ пешбинӣ гардидааст, чораҳои дахлдорро амалӣ намояд.

4. Қарори Ҳукумати Ҷумҳурии Тоҷикистон аз 3 декабри соли 2012, №695 "Дар бораи Низомномаи ташхиси тиббии ҳарбӣ" аз эътибор соқит дониста шавад.