ҲУКУМАТИ ҶУМҲУРИИ ТОҶИКИСТОН
ҚАРОР
Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 27 марти соли 2023, №116
Мутобиқи моддаи 56 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» Ҳукумати Ҷумҳурии Тоҷикистон қарор мекунад:
Ба Низомномаи ташхиси тиббии ҳарбӣ, ки бо қарори Ҳукумати Ҷумҳурии Тоҷикистон аз 27 марти соли 2023, №116 «Дар бораи Низомномаи ташхиси тиббии ҳарбӣ» тасдиқ карда шудааст, тағйиру иловаҳои зерин ворид карда шаванд:
-дар банди 3 калимаҳои «дар қӯшунҳо, воҳидҳои дигари ҳарбӣ ва мақомоти дигар» ба калимаҳои «қӯшунҳо, воҳидҳои дигари ҳарбӣ ва мақомоти дигар (минбаъд - Комиссияи марказии ташхиси тиббии ҳарбӣ)» иваз карда шаванд;
-дар бандҳои 7, 25, 29, 35, 70, 71, 76, 110, 121 ва 123 калимаҳои «ҳарбии Вазорати мудофиаи Ҷумҳурии Тоҷикистон, қӯшунҳо, воҳидҳои дигари ҳарбӣ ва мақомоти дигар» ба калимаи «ҳарбӣ» иваз карда шаванд;
-дар зербанди 5) банди 12 аломати нуқта ба аломати нуқта вергул «;» иваз гардида, зербанди 6) бо мазмуни зерин илова карда шавад:
"6) пешниҳод намудани шаҳодатномаи бемории сарбозон ва сержантон барои баррасӣ ва тасдиқ ба Комиссияи марказии ташхиси тиббии ҳарбӣ.»;
-дар бандҳои 13 ва 75 калимаҳои «ҳарбии Қувваҳои Мусаллаҳи Ҷумҳурии Тоҷикистон, қӯшунҳо, воҳидҳои дигари ҳарбӣ ва мақомоти дигар» ба калимаи «ҳарбӣ» иваз карда шаванд;
-дар банди 19 калимаҳои «ҳарбии Вазорати мудофиаи Ҷумҳурии Тоҷикистон ва мақомот» ба калимаи «ҳарбӣ» иваз карда шаванд;
-дар банди 38 калимаҳои «комиссияи маркази ташхиси тиббии ҳарбии Вазорати мудофиаи Ҷумҳурии Тоҷикистон» ба калимаҳои «Комиссияи марказии ташхиси тиббии ҳарбӣ» иваз карда шаванд;
-ба банди 106 ҷумлаи дуюм бо мазмуни зерин илова карда шавад:
«Пеш аз муҳлат озод намудани сарбозон ва сержантҳое, ки хизмати ҳарбии ҳатмии муҳлатнокро адо мекунанд, бо шаҳодатномаи беморие, ки аз ҷониби Комиссияи марказии ташхиси тиббии ҳарбӣ тасдиқ мегардад, амалӣ карда мешавад.»;
...
