ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Низомномаи тартиби гузаронидани ҷамъомадҳои ҳарбӣ бо шаҳрвандоне, ки дар ҳайати эҳтиёт қарор доранд

Мутобиқи моддаи 57 Қонуни Ҷумҳурии Тоҷикистон "Дар бораи уҳдадории ҳарбӣ ва хизмати ҳарбӣ" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Низомномаи тартиби гузаронидани ҷамъомадҳои ҳарбӣ бо шаҳрвандоне, ки дар ҳайати эҳтиёт қарор доранд, тасдиқ карда шавад (замима мегардад).

2. Вазорату идораҳо, мақомоти иҷроияи маҳаллии ҳокимияти давлатӣ, ташкилотҳо, новобаста аз шакли ташкилию ҳуқуқиашон амалисозии Низомномаи мазкурро таъмин намоянд.

3. Қарори Шӯрои Вазирони Ҷумҳурии Тоҷикистон аз 2 майи соли 1994, № 207 "Дар бораи тасдиқи Низомномаи тартиби гузаштани ҷамъомадҳои ӯҳдадорони ҳарбӣ" аз эътибор соқит дониста шавад.