ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба фармони Президенти Ҷумҳурии Тоҷикистон аз 15 марти соли 2014, №179

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Ба фармони Президенти Ҷумҳурии Тоҷикистон аз 15 марти соли 2014, №179 "Дар бораи Агентии хизмати давлатии назди Президенти Ҷумҳурии Тоҷикистон" тағйироти зерин ворид карда шаванд:

1) аз муқаддима калимаи "(Сарқонуни)" хориҷ ва калимаи "Фармони" ба калимаи "фармони" иваз карда шавад;

2) дар банди 2 рақамҳои "44" ва "25" мувофиқан ба рақамҳои "52" ва "33" иваз карда шаванд;

3) дар банди 3 калимаи "Директор" ба калимаи "директор" иваз карда шавад;

4) дар банди 4 калимаҳои "сохторҳои зертобеи он дар маҳал" ба калимаҳои "сохторҳои маҳаллии он" иваз карда шаванд.

2. Ба Низомномаи Агентии хизмати давлатии назди Президенти Ҷумҳурии Тоҷикистон, ки бо фармони Президенти Ҷумҳурии Тоҷикистон аз 15 марти соли 2014, №179 "Дар бораи Агентии хизмати давлатии назди Президенти Ҷумҳурии Тоҷикистон" тасдиқ шудааст, тағйиру иловаҳои зерин ворид карда шаванд:

1) бандҳои 1, 2, 3 ва 4 дар таҳрири зерин ифода карда шаванд:

"1. Агентии хизмати давлатии назди Президенти Ҷумҳурии Тоҷикистон (минбаъд - Агентӣ) мақоми иҷроияи марказии ҳокимияти давлатии Ҷумҳурии Тоҷикистон буда, ба Президенти Ҷумҳурии Тоҷикистон тобеъ ва ҳисоботдиҳанда мебошад ва дар доираи ваколатҳои худ сиёсати ягонаи давлатӣ ва батанзимдарории меъёрии ҳуқуқии соҳаи хизмати давлатиро амалӣ месозад.

2. Агентӣ фаъолияти худро дар асоси Конститутсияи Ҷумҳурии Тоҷикистон, қонунҳои конститутсионӣ ва қонунҳои Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, фармон ва амрҳои Президенти Ҷумҳурии Тоҷикистон, дигар санадҳои меъёрии ҳуқуқии Ҷумҳурии Тоҷикистон, санадҳои ҳуқуқии байналмилалии эътирофнамудаи Тоҷикистон ва Низомномаи мазкур амалӣ менамояд.

3. Агентӣ дар доираи ваколатҳои худ бо мақомоти марказии ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот ва ташкилотҳо ҳамкорӣ менамояд.

4. Самтҳои асосии фаъолияти Агентӣ аз татбиқи сиёсати ягонаи давлатии соҳаи хизмати давлатӣ, батанзимдарории меъёрии ҳуқуқии соҳа, ташкил, таъмин ва назорати иҷрои қонунгузории соҳаи хизмати давлатӣ ва адои хизмати давлатӣ, ташкили курсҳои азнавтайёркунӣ, такмили ихтисос ва таҷрибаомӯзии хизматчиёни давлатӣ, мусоидат ба амалишавии кафолатҳо ва ҳавасмандгардонии онҳо иборат аст.";

2) дар банди 5:

- дар сархати якум калимаҳои "рушд ва ташаккули низоми" ба калимаи "рушди" иваз карда шаванд;

- сархати чорум дар таҳрири зерин ифода карда шавад:

"- лоиҳаи феҳристи мансабҳои давлатии Ҷумҳурии Тоҷикистонро таҳия ва барои тасдиқ ба Президенти Ҷумҳурии Тоҷикистон пешниҳод менамояд, амалишавии онро назорат мекунад;";

3) дар банди 6:

- қисми муқаддимавӣ дар таҳрири зерин ифода карда шавад:

"6. Агентӣ барои таҳсил (азнавтайёркунӣ, такмили ихтисос ва таҷрибаомӯзӣ)-и хизматчиёни давлатӣ, кормандони дигар мақомоти давлатӣ ва дар асоси муроҷиат барои кормандони корхонаҳо, муассисаҳо ва дигар ташкилотҳои давлатӣ чорабиниҳои зеринро амалӣ месозад:";

- сархати якум дар таҳрири зерин ифода карда шавад:

"- барои ташкили азнавтайёркунӣ, такмили ихтисос ва таҷрибаомӯзии хизматчиёни давлатӣ дар Академияи идоракунии давлатии назди Президенти Ҷумҳурии Тоҷикистон, дигар муассисаҳои таҳсилоти олии касбӣ ва муассисаҳои касбии баъдидипломӣ, таҳсили хизматчиёни давлатӣ дар магистратура, аспирантура ва докторантура аз рӯи ихтисос дар дохил ва хориҷи кишвар мусоидат менамояд;";

- аз сархати сеюм калимаҳои "барномаҳои таълимии мақомоти давлатиро тасдиқ ва" хориҷ карда шаванд;

- сархати чорум дар таҳрири зерин ифода карда шавад:

"- фаъолияти мақомоти давлатиро оид ба масъалаҳои азнавтайёркунӣ, такмили ихтисос ва таҷрибаомӯзии хизматчиёни давлатӣ ҳамоҳанг месозад;";

- аз сархати панҷум калимаҳо ва аломати "тайёркунии касбӣ," хориҷ карда шаванд;

4) аз сархати сеюми банди 7 калимаҳо ва аломати "тайёркунии касбӣ," хориҷ карда шаванд;

5) дар банди 8:

- дар сархати шашум калимаҳои "кафолати ҷараёни идоракунии ҳайат" ва "амалӣ" мувофиқан ба калимаҳои "адои хизмати давлатӣ" ва "назорат" иваз карда шаванд;

- дар сархати ҳафтум калимаи "стандартҳои" ба калимаи "қоидаҳои" иваз карда шавад;

- сархатҳои ҳаштум ва нуҳум бо мазмуни зерин илова карда шаванд:

"- роҳбарии методии хадамоти кадрии мақомоти давлатиро амалӣ ва лоиҳаи низомномаи намунавии хадамоти кадрии мақомоти давлатии Ҷумҳурии Тоҷикистонро таҳия ва барои тасдиқ ба Президенти Ҷумҳурии Тоҷикистон пешниҳод мекунад;

- сатҳи талаботи тахассусиро барои хизматчиёни давлатии маъмурӣ таҳия ва тасдиқ менамояд;";

- сархати сенздаҳум дар таҳрири зерин ифода карда шавад:

"- таҳлили ҳарсолаи эҳтиёҷоти мақомоти давлатӣ оид ба таҳсили хизматчиёни давлатиро гузаронида, барои таҳияи Нақша-ҷадвали курсҳои азнавтайёркунӣ, такмили ихтисос ва таҷрибаомӯзии хизматчиёни давлатӣ ба Академияи идоракунии давлатии назди Президенти Ҷумҳурии Тоҷикистон пешниҳод карда, амалисозии онро ташкил ва назорат мекунад;";

- дар сархатҳои чордаҳум ва понздаҳум калимаи "Донишкадаи" ба калимаи "Академияи" иваз карда шавад;

- дар сархати ҳабдаҳум калимаи "тадқиқотӣ" ба калимаи "таҳқиқотӣ" иваз карда шавад;

- дар сархати ҳаждаҳум калимаҳои "молу мулкро" ба калимаи "молумулкиро" иваз карда шавад;

- сархатҳои бисту дуюм, бисту сеюм, бисту чорум, бисту панҷум ва бисту шашум бо мазмуни зерин илова карда шаванд:

"- якҷо бо мақомоти давлатии омори Ҷумҳурии Тоҷикистон шакли ҳисоботи омори соҳаи хизмати давлатӣ ва дастурамали тартиб додани онро тасдиқ менамояд;

- номгӯи мансабҳои хизматчиёни гражданӣ (ҳайати техникӣ ва хизматрасон)-и мақомоти давлатиро таҳия ва барои тасдиқ ба Ҳукумати Ҷумҳурии Тоҷикистон пешниҳод менамояд;

- тартиби пешбурди парвандаи шахсии хизматчиёни давлатиро тасдиқ ва иҷрои онро назорат менамояд;

- қоидаҳои таҳияи дастурамалҳои мансабии хизматчиёни давлатии маъмурии Ҷумҳурии Тоҷикистонро тасдиқ ва амалисозии онҳоро назорат менамояд;

- якҷо бо мақомоти давлатии тандурустии Ҷумҳурии Тоҷикистон номгӯи бемориҳоеро, ки барои иҷрои уҳдадориҳои мансабии хизматчии давлатӣ монеа мегарданд, таҳия ва тасдиқ менамояд;";

- сархати бисту сеюм дар таҳрири зерин ифода карда шавад:

"- дар доираи ваколатҳои худ санҷиши иҷрои талаботи қонунгузории хизмати давлатӣ дар мақомоти давлатиро мегузаронад;";

- дар сархати сию сеюм калимаҳои "шифоҳӣ ва хаттии" хориҷ ва калимаи "мӯҳлати" ба калимаи "муҳлатҳои" иваз карда шавад;

6) дар сархати сеюми банди 9 калимаи "ҷамоатҳо" ба калимаҳои "мақомоти худидоракунии шаҳрак ва деҳот" иваз карда шавад;

7) дар ҷумлаи якуми банди 11, сархати бистуми банди 12, бандҳои 13, 14, 15 ва 17 калимаҳои "Директор" ва "Директори" мувофикан ба калимаҳои "директор" ва "директори" иваз карда шаванд;

8) дар банди 12:

- дар сархати шашум калимаҳои "дигар кормандони ҳайати хизматрасон ва техникӣ" ба калимаҳои "хизматчиёни гражданӣ (ҳайати техникӣ ва хизматрасон)" иваз карда шаванд;

- дар сархати нуҳум калимаҳои "ҳайати хизматрасон ва техникиро" ба калимаҳои "хизматчиёни гражданӣ (ҳайати техникӣ ва хизматрасон)-ро" иваз карда шаванд;

- дар сархати дувоздаҳум калимаҳои "ҳайати хизматрасон ва техникӣ" ба калимаҳои "хизматчиёни гражданӣ (ҳайати техникӣ ва хизматрасон)" ва калимаи "ӯҳдадориҳои" ба калимаи "уҳдадориҳои" иваз карда шаванд;

- дар сархатҳои сенздаҳум ва бисту якум калимаи "ӯҳдадориҳои" ба калимаи "уҳдадориҳои" иваз карда шавад;

- дар сархати чордаҳум калимаҳои "ҳайати хизматрасон ва кормандони техникиро" ба калимаҳои "хизматчиёни гражданӣ (ҳайати техникӣ ва хизматрасон)-ро" иваз карда шаванд;

9) дар банди 13 калимаи "ӯҳдадорӣ" ба калимаи "уҳдадорӣ" иваз карда шавад;

10) дар банди 15 калимаи "Донишкадаи" ба калимаи "Академияи" иваз карда шавад;

11) дар банди 21 калимаҳои "воҳидҳои сохтории зертобеи Агентӣ" ва "шӯъба" мувофиқан ба калимаҳои "сохторҳои маҳаллии Агентӣ" ва "шуъба" иваз карда шаванд;

12) дар сархати якуми зербанди "б" банди 23 калимаи "мӯҳлатҳои" ба калимаи "муҳлатҳои" иваз карда шавад;

13) дар номи боби 6 рақами "6" ба рақами "4" иваз карда шавад;

14) дар банди 25 калимаҳои "мӯҳр" ва "мӯҳрҳои" мувофиқан ба калимаҳои "муҳр" ва "муҳрҳои" иваз карда шаванд.

3. Сохтори дастгоҳи марказии Агентии хизмати давлатии назди Президенти Ҷумҳурии Тоҷикистон, ки бо фармони Президенти Ҷумҳурии Тоҷикистон аз 15 марти соли 2014, №179 "Дар бораи Агентии хизмати давлатии назди Президенти Ҷумҳурии Тоҷикистон" тасдиқ шудааст, дар таҳрири нав тасдиқ карда шавад (замима мегардад).

Сохтори дастгоҳи марказии Агентии хизмати давлатии назди Президенти Ҷумҳурии Тоҷикистон

Роҳбарият

Шуъбаи таъминоти ҳуқуқӣ

Шуъбаи идоракунии захираҳои инсонӣ

Шуъбаи ҳифзи иҷтимоии хизматчиёни давлатӣ

Шуъбаи ташкилию иттилоотӣ

Шуъбаи кадрҳо, коргузорӣ ва назорат

Шуъбаи махзани маълумоти хизматчиёни давлатӣ

Шуъбаи молия ва муҳосибот