ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру илова ба қарори Ҳукумати Ҷумҳурии Тоҷикистон аз 2 ноябри соли 2007, №544

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба муқаддимаи қарори Ҳукумати Ҷумҳурии Тоҷикистон аз 2 ноябри соли 2007, №544 "Дар бораи тасдиқи Қоидаҳои интиқоли молҳо аз ҷониби шахсони воқеӣ тавассути сарҳади гумрукии Ҷумҳурии Тоҷикистон бо тартиби имтиёзнок ва соддагардонидашуда" баъд аз калимаҳои "Кодекси гумруки Ҷумҳурии Тоҷикистон" калимаҳо ва рақами "ва моддаи 253 Кодекси андози Ҷумҳурии Тоҷикистон" илова карда шаванд.

2. Дар сатри 3 замима ба Қоидаҳои интиқоли молҳо аз ҷониби шахсони воқеӣ тавассути сарҳади гумрукии Ҷумҳурии Тоҷикистон бо тартиби имтиёзнок ва соддагардонидашуда, ки бо қарори Ҳукумати Ҷумҳурии Тоҷикистон аз 2 ноябри соли 2007, №544 тасдиқ гардидааст, калимаҳои "баки воситаи нақлиёти муҳаррикдори бо ҳаракати худ интиқолшаванда" ба калимаҳои "автомобилӣ мувофиқи ғунҷоиши стандартии зарфи сӯзишвории воситаи нақлиёт" иваз карда шавад.