ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 5 октябри соли 2001, №458

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон", моддаҳои 52 ва 53 Кодекси граждании Ҷумҳурии Тоҷикистон ва моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 5 октябри соли 2001, №458 "Дар бораи таъсиси Маркази татбиқи лоиҳаҳои таҷдиди роҳҳо" тағйироти зерин ворид карда шавад:

- дар банди 1 калимаи "Низомномаи" ба калимаи "Оинномаи" иваз карда шавад;

- банди 2 дар таҳрири зерин ифода карда шавад:

"2. Вазорати молия ҳангоми таҳияи лоиҳаи буҷети давлатӣ ҷиҳати таъмини саҳми Ҳукумати Ҷумҳурии Тоҷикистон дар лоиҳаҳои муштараки сармоягузорӣ, ки аз ҳисоби маблағҳои шарикони рушд маблағгузорӣ карда мешаванд ва ба зиммаи Маркази татбиқи лоиҳаҳои таҷдиди роҳҳо вогузор мегарданд, чораҳои зарурӣ андешад.";

- сархати якуми банди 5 дар таҳрири зерин ифода карда шавад:

"- дар мувофиқа бо вазоратҳои нақлиёт ва молия сметаи хароҷот барои нигоҳдории Марказро таҳия намуда, басти вазифаҳо ва музди меҳнати кормандони онро тибқи муқаррароти қарори Ҳукумати Ҷумҳурии Тоҷикистон аз 31 марти соли 2003, №119 "Оид ба муқаррар намудани меъёри ягонаи ниҳоии музди меҳнати кормандони Марказҳои (гурӯҳҳои) татбиқи лоиҳаҳои инвеститсионӣ, ки аз ҷониби Ҳукумати Ҷумҳурии Тоҷикистон дар якҷоягӣ бо ташкилотҳои байналмилалии молиявӣ амалӣ шуда истодаанд" тасдиқ намояд;";

- замимаи қарори мазкур дар таҳрири нав тасдиқ карда шавад (замима мегардад).