Ҳукумати Ҷумҳурии Тоҷикистон

ҚАРОР

Дар бораи Методологияи ҳисоби тарифи неруи барқ дар Ҷумҳурии Тоҷикистон

Мутобиқи моддаи 14 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон", бо мақсади танзими раванда иқтисодӣ ва мусоидат ба рушди соҳаи энергетикаи барқии кишвар, Ҳукумати Ҷумҳурии Тоҷикистон қарор мекунад:

1. Методологияи ҳисоби тарифи неруи барқ дар Ҷумҳурии Тоҷикистон тасдиқ карда шавад (замимаи 1).

2. Муқаррар карда шавад, ки то гузаштан ба шакли нави идоракунӣ, таъсис ёфтани корхонаҳои самтҳои алоҳидаи фаъолият ва ташаккули бозори неруи барқ, инчунин таъсис дода шудани мақоми мустақили танзимкунандаи соҳа ҳисоби тарифи неруи барқ дар Ҷумҳурии Тоҷикистон тибқи Методологияи ҳисоби тариф дар давраи гузариш амалӣ карда мешавад (замимаи 2).

3. Хадамоти зиддиинҳисории назди Ҳукумати Ҷумҳурии Тоҷикистон якҷо бо вазорату идораҳои дахлдор ва субъектҳои дигари хоҷагидор, новобаста аз шакли моликият, иҷрои муқаррароти методологияҳои мазкурро таъмин намояд.