Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба баъзе қарорҳои Ҳукумати Ҷумҳурии Тоҷикистон

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 15 майи соли 1999, № 218 "Дар бораи тасдиқи Қоидаҳои иқомати шаҳрвандони хориҷӣ дар Ҷумҳурии Тоҷикистон ва Қоидаҳои убури транзитии шаҳрвандони хориҷӣ аз тариқи қаламрави Ҷумҳурии Тоҷикистон" тағйироти зерин ворид карда шавад:

а) дар ном ва банди 1 калимаи "қаламрави" ба калимаи "ҳудуди" иваз карда шавад;

б) дар банди 2 калимаҳои "Вазорати амнияти Ҷумҳурии Тоҷикистон" ва "Кумитаи гумруки назди Ҳукумати Ҷумҳурии Тоҷикистон" мутаносибан ба калимаҳои "Кумитаи давлатии амнияти миллии Ҷумҳурии Тоҷикистон" ва "Хадамоти гумруки назди Ҳукумати Ҷумҳурии Тоҷикистон" иваз карда шаванд;

в) ба Қоидаҳои иқомати шаҳрвандони хориҷӣ дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 15 майи соли 1999, № 218 тасдиқ шудаанд, тағйироти зерин ворид карда шавад:

- дар банди 1 калимаҳои "Оид ба" ба калимаҳои "Дар бораи" иваз карда шаванд;

- дар тамоми матн калимаи "қаламрави", "ҚАЛАМРАВИ" ба калимаи "ҳудуди", "ҲУДУДИ" иваз карда шавад;

- дар банди 20 калимаҳои "бояд" ва "бо мактуби Хадамоти давлатии муҳоҷирати Вазорати меҳнат ва шуғли аҳолии Ҷумҳурии Тоҷикистон" хориҷ карда шуда, калимаҳои "бо пешниҳоди Хадамоти давлатии муҳоҷирати Вазорати меҳнат ва шуғли аҳолии Ҷумҳурии Тоҷикистон барои" ба калимаи "ба" иваз карда шаванд;

- дар банди 26 калимаҳои "Хадамоти муҳоҷирати" ва "Хадамоти муҳоҷират" мутаносибан ба калимаҳои "Хадамоти шиносномавию бақайдгирии" ва "Хадамоти шиносномавию бақайдгирӣ" иваз карда шаванд;

- дар банди 27 калимаҳои "мақомоти Хадамоти муҳоҷирати" ба калимаҳои "Хадамоти шиносномавию бақайдгирӣ" иваз карда шаванд;

- дар банди 28 калимаҳои "Хадамоти муҳоҷирати" ба калимаҳои "Хадамоти шиносномавию бақайдгирии" иваз карда шаванд;

- дар банди 29 калимаҳои "хадамоти муҳоҷират", "Хадамоти муҳоҷират" ва "Хадамоти муҳоҷирати" мутаносибан ба калимаҳои "Хадамоти шиносномавию бақайдгирӣ" ва "Хадамоти шиносномавию бақайдгирии" иваз карда шаванд;

- дар банди 30 калимаҳои "Хадамоти муҳоҷирати", "Хадамоти муҳоҷират" ва "хадамоти муҳоҷират" мутаносибан ба калимаҳои "Хадамоти шиносномавию бақайдгирии" ва "Хадамоти шиносномавии бақайдгирӣ" иваз карда шаванд;

- дар банди 32 калимаҳои "Хадамоти муҳоҷират" ва "Хадамоти муҳоҷирати" мутаносибан ба калимаҳои "Хадамоти шиносномавию бақайдгирӣ" ва "Хадамоти шиносномавию бақайдгирии" иваз карда шаванд;

г) дар ном, тамоми матн ва замимаи Қоидаҳои убури транзитии шаҳрвандони хориҷӣ аз тариқи қаламрави Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 15 майи соли 1999, № 218 тасдиқ шудаанд, калимаи "қаламрави" ба калимаи "ҳудуди" иваз карда шавад.

2. Дар банди 3 қарори Ҳукумати Ҷумҳурии Тоҷикистон аз 27 феврали соли 2010, № 91 "Дар бораи тасдиқи намунаҳои варақаҳои гувоҳномаи иқомат барои шаҳрвандони хориҷӣ, шахсони бешаҳрванд ва шаҳодатномаи шахсони бешаҳрванд, ки дар ҳудуди Ҷумҳурии Тоҷикистон иқомати доимӣ доранд" калимаҳои "Хадамоти муҳоҷирати" ба калимаҳои "Хадамоти шиносномавию бақайдгирии" иваз карда шаванд.