Ҳукумати Ҷумҳурии Тоҷикистон

ҚАРОР

Дар бораи Тартиби коргузорӣ ва баҳисобгирии оморӣ оид ба муроҷиатҳои шахсони воқеӣ ва ҳуқуқӣ

Мутобиқи моддаи 15 Қонуни Ҷумҳурии Тоҷикистон "Дар бораи

муроҷиатҳои шахсони воқеӣ ва ҳуқуқӣ" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади танзими ягонаи коргузорӣ ва баҳисобгирии оморӣ оид ба муроҷиатҳои шахсони воқеӣ ва ҳуқуқӣ Ҳукумати Ҷумҳурии Тоҷикистон қарор мекунад:

1. Тартиби коргузорӣ ва баҳисобгирии оморӣ оид ба муроҷиатҳои шахсони воқеӣ ва ҳуқуқӣ тасдиқ карда шавад (замима мегардад).

2. Қарори Ҳукумати Ҷумҳурии Тоҷикистон аз 2 сентябри соли 1998, № 345 "Дар бораи тасдиқ кардани Дастурамали коргузорӣ бо муроҷиатҳои шаҳрвандон" аз эътибор соқит дониста шавад.