Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Шӯрои Вазирони Ҷумҳурии Тоҷикистон аз 12 июли соли 1993, № 339 "Дар бораи Пажӯҳишгоҳи меҳнати Вазорати меҳнат ва ҳифзи иҷтимоии аҳолии Ҷумҳурии Тоҷикистон" тағйиру иловаи зерин ворид карда шаванд:

- номи қарор дар таҳрири зайл ифода карда шавад:

"Дар бораи Муассисаи давлатии "Пажӯҳишгоҳи меҳнат, муҳоҷират ва шуғли аҳолӣ"-и Вазорати меҳнат, муҳоҷират ва шуғли аҳолии Ҷумҳурии Тоҷикистон";

- дар муқаддимаи қарор баъд аз калимаи "меҳнат" калимаи ",муҳоҷират" илова карда шавад;

- дар банди 1 калимаҳои "Пажӯҳишгоҳи илмӣ-тадқикотии меҳнат ва ҳифзи иҷтимоии аҳолии Ҷумҳурии Тоҷикистон" ва "шуғл ва ҳифзи иҷтимоии аҳолӣ" мутобиқан ба калимаҳои "Муассисаи давлатии "Пажӯҳишгоҳи меҳнат, муҳоҷират ва шуғли аҳолӣ"-и Вазорати меҳнат, муҳоҷират ва шуғли аҳолии Ҷумҳурии Тоҷикистон" ва ", муҳоҷират ва шуғли аҳолӣ" иваз карда шаванд.

2. Ба қарори Ҳукумати Ҷумҳурии Тоҷикистон аз 21 феврали соли 1996, № 77 "Дар бораи танзими пардохти музди меҳнати роҳбарони корхонаҳои давлатӣ" тағйироти зерин ворид карда шавад:

- дар банди 5 қарор калимаҳои "Вазорати меҳнат ва шуғли аҳолии" ва "Кумитаи давлатии саноати" мутобиқан ба калимаҳои "Вазорати меҳнат, муҳоҷират ва шуғли аҳолии" ва "Вазорати саноат ва технологияҳои нави" иваз карда шаванд;

- дар банди 5 Низомномаи танзими пардохти музди меҳнати роҳбарони корхонаҳои давлатӣ ҳангоми бо онҳо бастани шартномаҳои (қарордодҳои) меҳнатӣ калимаҳои "Вазорати меҳнат ва шуғли аҳолии", ба калимаҳои "Вазорати меҳнат, муҳоҷират ва шуғли аҳолии" иваз карда шаванд.

3. Ба қарори Ҳукумати Ҷумҳурии Тоҷикистон аз 21 октябри соли 1997, № 462 "Дар бораи дар назди Ҳукумати Ҷумҳурии Тоҷикистон таъсис додани Комиссияи байниидоравии танзими равандҳои муҳоҷират" тағйироти зерин ворид карда шаванд:

- дар сархати дуюми ҳайати Комиссия калимаҳои "Мудири Шӯъбаи шуғл ва ҳифзи иҷтимоии аҳолии" ба калимаҳои "Сардори Раёсати рушди иҷтимоии" иваз карда шаванд;

- дар сархати сеюми ҳайати Комиссия калимаҳои "Мудири бахши муҳоҷират ва робита бо ҳамватанони бурунмарзии Шӯъбаи шуғл ва ҳифзи иҷтимоии аҳолии" ба калимаҳои "Сармутахассиси Раёсати рушди иҷтимоии" иваз карда шаванд;

- дар сархати шашуми ҳайати Комиссия калимаҳои "Муовини Вазири меҳнат ва ҳифзи иҷтимоии аҳолии" ба калимаҳои "Муовини Вазири меҳнат, муҳоҷират ва шуғли аҳолии" иваз карда шаванд;

- дар сархати ҳаштуми ҳайати Комиссия калимаҳои "Муовини Вазири тандурустии" ба калимаҳои "Муовини Вазири тандурустӣ ва ҳифзи иҷтимоии аҳолии" иваз карда шаванд;

- дар сархати даҳуми ҳайати Комиссия калимаҳои "Муовини Вазири маорифи" ба калимаҳои "Муовини Вазири маориф ва илми" иваз карда шаванд;

- дар сархати ёздаҳуми ҳайати Комиссия калимаҳои "Муовини Вазири нақлиёт ва коммуникатсияи" ба калимаҳои "Муовини Вазири нақлиёти" иваз карда шаванд;

- сархати бисту дуюм дар таҳрири зайл ифода карда шавад:

"Муовини Раиси Кумитаи давлатии идораи замин ва геодезии Ҷумҳурии Тоҷикистон";

- дар банди 9 Низомномаи Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон калимаи "семоҳа" ба калимаи "нимсола" иваз карда шавад.

4. Ба қарори Ҳукумати Ҷумҳурии Тоҷикистон аз 12 апрели соли 1999, № 154 "Дар бораи тасдиқи Тартиби корбурди дафтарчаи меҳнатии кормандон" тағйироти зерин ворид карда шавад:

- дар банди 4 қарор калимаҳои "Вазорати меҳнат ва ҳифзи иҷтимоии аҳолии" ба калимаҳои "Вазорати меҳнат, муҳоҷират ва шуғли аҳолии" иваз карда шаванд;

- дар сархати якуми банди 19 Тартиби корбурди дафтарчаи меҳнатии кормандон калимаҳои "Вазорати амнияти" ба калимаҳои "Кумитаи давлатии амнияти миллии" иваз карда шаванд.

5. Дар банди 3 қарори Ҳукумати Ҷумҳурии Тоҷикистон аз 31 декабри соли 2002, № 521 "Дар бораи Номгӯи истеҳсолот, сехҳо, корҳо, касбу вазифаҳое, ки шароити меҳнати зарарнок ва вазнини кор дар онҳо барои рӯзи кӯтоҳи кор ва рухсатии иловагии ҳарсола ҳуқуқ медиҳад" калимаҳои "Вазорати меҳнат ва ҳифзи иҷтимоии аҳолии" ба калимаҳои "Вазорати меҳнат, муҳоҷират ва шуғли аҳолии" иваз карда шаванд.

6. Ба қарори Ҳукумати Ҷумҳурии Тоҷикистон аз 5 марти соли 2008, № 98 "Дар бораи тасдиқи Консепсияи ислоҳоти музди меҳнат дар Ҷумҳурии Тоҷикистон" тағйироти зерин ворид карда шавад:

- дар бандҳои 2 ва 3 қарор калимаҳои "Вазорати меҳнат ва ҳифзи иҷтимоии аҳолии" ба калимаҳои "Вазорати меҳнат, муҳоҷират ва шуғли аҳолии" иваз карда шаванд;

- дар бандҳои 13 ва 14 Консепсия калимаҳои "Вазорати маорифи" ва "Вазорати меҳнат ва ҳифзи иҷтимоии аҳолии" мутаносибан ба калимаҳои "Вазорати маориф ва илми" ва "Вазорати меҳнат, муҳоҷират ва шуғли аҳолии" иваз карда шаванд;

- дар банди 14 Консепсия калимаҳои "Кумитаи давлатии омори", "Вазорати маорифи", "Вазорати тандурустии" ва "Вазорати кишоварзӣ ва ҳифзи табиати" мутаносибан ба калимаҳои "Агентии омори назди Президенти", "Вазорати маориф ва илми", "Вазорати тандурустӣ ва ҳифзи иҷтимоии аҳолии" ва "Вазорати кишоварзии" иваз карда шаванд.

7. Ҳайати Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 29 апрели соли 2009, № 267 "Дар бораи тасдиқи Ҳайати Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон" тасдиқ шудааст, дар таҳрири зайл баён карда шавад:

"Муовини Сарвазири Ҷумҳурии Тоҷикистон - ҳамоҳангсози Комиссия

Котиби Комиссия

Аъзои Комиссия аз ҷониби Ҳукумати Ҷумҳурии Тоҷикистон:

- Вазири меҳнат, муҳоҷират ва шуғли аҳолии Ҷумҳурии Тоҷикистон, ҳамоҳангсози Тараф

- Сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон

- Муовини Вазири адлияи Ҷумҳурии Тоҷикистон

- Муовини Вазири молияи Ҷумҳурии Тоҷикистон

- Муовини Вазири рушди иқтисод ва савдои Ҷумҳурии Тоҷикистон

- Муовини Вазири энергетика ва захираҳои оби Ҷумҳурии Тоҷикистон

- Муовини Вазири кишоварзии Ҷумҳурии Тоҷикистон

- Муовини Вазири нақлиёти Ҷумҳурии Тоҷикистон

- Муовини Вазири маориф ва илми Ҷумҳурии Тоҷикистон

- Муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон

Аъзои Комиссия аз ҷониби Федератсияи иттифоқҳои касабаи мустақили Тоҷикистон:

- Раиси Федератсияи иттифоқҳои касабаи мустақили Тоҷикистон, ҳамоҳангоози Тараф

- Муовини Раиси Федератсияи иттифоқҳои касабаи мустақили Тоҷикистон

- Раиси Кумитаи марказии иттифоқи касабаи кормандони муассисаҳои давлатӣ ва хизматрасонии ҷамъиятӣ

- Раиси Кумитаи ҷумҳуриявии иттифоқи касабаи роҳиоҳанчиён

- Раиси Кумитаи ҷумҳуриявии иттифоқи касабаи кормандони тандурустӣ

- Раиси Кумитаи марказии иттифоқи касабаи кормандони комплекси агросаноатӣ

- Раиси Федератсияи иттифоқи касабаи кормандони ҳавопаймоӣ

- Раиси Кумитаи марказии иттифоқи касабаи кормандони саноати маъдан ва металлургия "Тоҷикметалл"

- Раиси Кумитаи ҷумҳуриявии иттифоқи касабаи кормандони соҳаи бофандагӣ ва саноати сабук

- Раиси Шӯрои иттифоқҳои касабаи вилояти Хатлон

Аъзои Комиссия аз ҷониби Иттиҳодияи корфармоёни Ҷумҳурии Тоҷикистон:

- Раиси Иттиҳодияи корфармоёни Ҷумҳурии Тоҷикистон, ҳамоҳангсози Тараф

- Раиси Ассотсиатсияи миллии соҳибкории хурд ва миёнаи Ҷумҳурии Тоҷикистон

- Муовини Раиси Иттифоқи хоҷагиҳои деҳқонӣ (фермерӣ) ва соҳибкорони Ҷумҳурии Тоҷикистон

- Раиси иттиҳодияи миллии маъюбони Тоҷикистон

- Раиси Фонди ғайритиҷоратии хайрияи "Савоб"

- Директори Корхонаи воҳиди давлатии "Тоҷикхориҷакор"

- Директори Муассисаи давлатии "Агентии бокортаъминкунӣ дар хориҷа"

- Раиси Иттифоқи илмию саноатии Тоҷикистон

- Директори Созмони ғайриҳукуматии "Сурхоб"

- Директори Ассотсиатсияи соҳибкорони вилояти Суғд".

8. Ба қарори Ҳукумати Ҷумҳурии Тоҷикистон аз 3 декабри соли 2012, № 684 "Дар бораи Барномаи ҳифзи меҳнат дар Ҷумҳурии Тоҷикистон барои солҳои 2013-2016" тағйироти зерин ворид карда шавад:

- дар банди 3 қарор калимаҳои "Вазорати меҳнат ва ҳифзи иҷтимоии аҳолии" ба калимаҳои "Вазорати меҳнат, муҳоҷират ва шуғли аҳолии" иваз карда шаванд;

- дар бандҳои 1, 3, 4 ва 5 Нақшаи чорабиниҳо оид ба татбиқи Барномаи ҳифзи меҳнат дар Ҷумҳурии Тоҷикистон барои солҳои 2013- 2016 калимаҳои "Вазорати меҳнат ва ҳифзи иҷтимоии аҳолии" ба калимаҳои "Вазорати меҳнат, муҳоҷират ва шуғли аҳолии" иваз карда шаванд;

- дар банди 4 Нақшаи чорабиниҳо оид ба татбиқи Барномаи ҳифзи меҳнат дар Ҷумҳурии Тоҷикистон барои солҳои 2013-2016 калимаҳои "Вазорати маорифи" ба калимаҳои "Вазорати маориф ва илми" иваз карда шаванд.