Бо қарори Ҳукумати ҶТ аз 26.11.2016 № 505 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи тасдиқи Тартиби таъсис ва тасдиқи шӯроҳои диссертатсионии ҳимояи рисолаҳо барои дарёфт ва додани дараҷаи илмии доктори фалсафа (PhD), доктор аз рӯи ихтисос

Мутобиқи моддаи 28 Қонуни Ҷумҳурии Тоҷикистон "Дар бораи маориф" ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон  қарор мекунад:

1. Тартиби таъсис ва тасдиқи шӯроҳои диссертатсионии ҳимояи рисолаҳо барои дарёфт ва додани дараҷаи илмии доктори фалсафа (PhD), доктор аз рӯи ихтисос тасдиқ карда шавад (замима мегардад).

2. Вазорати маориф ва илми Ҷумҳурии Тоҷикистон якҷоя бо Академияи илмҳои Ҷумҳурии Тоҷикистон иҷрои Тартиби мазкурро дар муассисаҳои таҳсилоти олии касбӣ ва муассисаҳои илмии Ҷумҳурии Тоҷикистон таъмин намоянд (қарори Ҳукумати ҶТ аз 10.02.2016 № 66).

3. Ба қарори Ҳукумати Ҷумҳурии Тоҷикистон аз 3 апрели соли 2012, № 127 "Дар бораи тасдиқи Низомномаи докторантура аз рӯи ихтисос (PhD)" тағйироту иловаҳои зерин ворид карда шаванд:

дар ном ва матни қарор ва Низомномаи мазкур калимаҳои "докторантура аз рӯи ихтисос (PhD)" ба калимаҳои "докторантура аз рӯи ихтисос", калимаҳои "доктор аз рӯи ихтисос (PhD), доктори фалсафа (PhD)" ба калимаҳои "доктори фалсафа (PhD), доктор аз рӯи ихтисос", калимаҳои "доктор аз рӯи ихтисос (PhD) ба калимаҳои "доктор аз рӯи ихтисос", калимаҳои "доктори фалсафа (PhD) ё доктор аз рӯи ихтисос (PhD)" ба калимаҳои "доктори фалсафа (PhD), доктор аз рӯи ихтисос" ва калимаи "дараҷаҳои" ба калимаи "дараҷаи" иваз карда шаванд;

- дар банди 25 Низомнома баъд аз калимаи "рӯзона" калимаҳои "ва ғоибона" илова карда шавад;

- дар банди 38, сархати 3, зербанди 2 Низомнома калимаи "ҳашт" ба калимаи "чор" иваз карда шавад;

- дар банди 38, сархати 3, зербанди 3 Низомнома калимаи "панҷ" ба калимаи "се" иваз карда шавад;

- дар банди 38, сархати 3, зербанди 4 Низомнома калимаи "ду" ба калимаи "як" иваз карда шавад;

- ҷумлаи якум ва дуюми банди 41 Низомнома дар таҳрири зайл ифода карда шавад: "Рисола таҳти роҳбарии олимони ватанӣ ва хориҷӣ, ки дорои дараҷаи илмӣ (доктори илм, номзади илм ва доктори фалсафа (PhD), доктор аз рӯи ихтисос) буда, дар соҳаи таҳқиқоти илмии докторант мутахассис мебошанд, иҷро карда мешавад".