Ҳукумати Ҷумҳурии Тоҷикистон

ҚАРОР

Дар бораи ворид намудани иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Ба Номгӯи ҷамъиятҳои саҳомии кушодае, ки дар онҳо ҳуқуқи махсус ("саҳмияи тиллоӣ") татбиқ мегардад, ки бо қарори Ҳукумати Ҷумҳурии Тоҷикистон аз 28 июли соли 2009, №432 тасдиқ карда шудааст, бандҳои 6-21 бо мазмуни зайл илова карда шаванд:

"6. Ҷамъияти саҳомии кушодаи "Шабакаҳои барқи шаҳри Душанбе"

7. Ҷамъияти саҳомии кушодаи "Шабакаҳои барқи Кӯлоб"

8. Ҷамъияти саҳомии кушодаи "Шабакаҳои барқи Данғара"

9. Ҷамъияти саҳомии кушодаи "Шабакаҳои барқи Исфара"

10.Ҷамъияти саҳомии кушодаи "Шабакаҳои барқи ӯротеппа"

11.Ҷамъияти саҳомии кушодаи "Шабакаҳои барқи Панҷакент"

12.Ҷамъияти саҳомии кушодаи "Шабакаҳои барқи Турсунзода"

13.Ҷамъияти саҳомии кушодаи "Шабакаҳои барқи ҷанубӣ"

14.Ҷамъияти саҳомии кушодаи "Шабакаҳои барқи Ёвон"

15.Ҷамъияти саҳомии кушодаи "Душанбинская ТЭЦ"

16.Ҷамъияти саҳомии кушодаи "Маркази гармидиҳии Ёвон"

17.Ҷамъияти саҳомии кушодаи "Фурудгоҳи байналмилалии Душанбе"

18.Ҷамъияти саҳомии кушодаи "Фурудгоҳи байналмилалии Хуҷанд"

19.Ҷамъияти саҳомии кушодаи "Фурудгоҳи байналмилалии Кӯлоб"

20.Ҷамъияти саҳомии кушодаи "Фурудгоҳи байналмилалии Қурғонтеппа"

21. Ҷамъияти саҳомии кушодаи "Тоҷик Эйр".".

2) Дар боби 5 Оинномаи Ҷамъияти саҳомии кушодаи "Тоҷиксемент", ки бо қарори Ҳукумати Ҷумҳурии Тоҷикистон аз 2 декабри соли 2008, №603 тасдиқ шудааст, банди нав бо мазмуни зайл илова карда шавад:

"5.4. Ҳукумати Ҷумҳурии Тоҷикистон ҷиҳати иштирок дар идоракунии Ҷамъият дорои ҳуқуқи махсус ("саҳмияи тиллоӣ") мебошад".

3) Дар боби 5 Оинномаи Ҷамъияти саҳомии кушодаи "Тоҷиктрансгаз", ки бо қарори Ҳукумати Ҷумҳурии Тоҷикистон аз 29 апрели соли 2009, №256 тасдиқ карда шудааст, банди нав бо мазмуни зайл илова карда шавад:

"5.4. Ҳукумати Ҷумҳурии Тоҷикистон ҷиҳати иштирок дар идоракунии Ҷамъият дорои ҳуқуқи махсус ("саҳмияи тиллоӣ") мебошад.".