Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 майи соли 2010 № 226

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади тақвият бахшидани муносибатҳои соҳаи идораи дин ва танзими анъана ва ҷашну маросимҳо Ҳукумати Ҷумҳурии Тоҷикистон қарор мекунад:

1) Ба қарори Ҳукумати Ҷумҳурии Тоҷикистон аз 3 майи соли 2010 №226 "Дар бораи Кумитаи оид ба корҳои дини назди Ҳукумати Ҷумҳурии Тоҷикистон" тағйиру иловаҳои зерин ворид карда шаванд:

- дар банди 2 калимаҳои "Нақшаи идоракунии" ва "замимаҳои 1,2 ва 3" мутобиқан ба калимаҳои "Нақшаи идоракунӣ ва Номгӯи ташкилотҳои тобеи" ва "замимаҳои 1,2, 3 ва 4" иваз карда шаванд;

- дар банди 3 рақами "24" бо рақами "39" иваз карда шавад;

- ба банди 4 ҷумлаи нав бо мазмуни зерин илова карда шавад:

"Шумораи ниҳоии кормандони Дастгоҳи марказии Кумитаи оид ба корҳои дини Ҳукумати Ҷумҳурии Тоҷикистон аз ҳисоби ихтисори воҳидҳои кории Раёсати танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон бо теъдоди 10 воҳиди корӣ зиёд карда, панҷ воҳиди корӣ аз ҳисоби буҷети ҷумҳуриявӣ ҷудо карда шавад";

- дар банди 5 калимаҳои "1 муовини Раис" бо калимаҳои "ду муовини Раис, аз ҷумла муовини якум" ва рақами "5" бо рақами "7" иваз карда шаванд;

- дар банди 6 рақами "2" бо рақами "4" иваз карда шавад;

- банди 7 дар таҳрири зайл ифода карда шавад:

"7) Дар заминаи воҳидҳои кории танзими анъана ва ҷашну маросимҳо ва оид ба дини сохтори мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо ва шаҳри Душанбе "Шӯъба оид ба корҳои дин", дар шаҳру ноҳияҳо "Бахш оид ба корҳои дин" дар назди мақомоти маҳаллии ҳокимияти давлатӣ таъсис дода шаванд";

- дар банди 11 баъди калимаҳои "Вазорати фарҳанги Ҷумҳурии Тоҷикистон" калимаҳои ",Вазорати маорифи Ҷумҳурии Тоҷикистон" илова карда шаванд;

2) Ба Низомномаи Кумитаи оид ба корҳои дини назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010 №226 тасдиқ шудааст, тағйиру иловаҳои зерин ворид карда шаванд:

- дар матн калимаҳои "танзими анъана ва маросимҳои динӣ" ба калимаҳои "танзими анъана ва ҷашну маросимҳо" иваз карда шаванд;

- дар банди 1 калимаҳои "мақомоти иттилоотӣ" бо калимаҳои "мақомоти назоратӣ, иттилоотӣ" иваз карда шаванд;

- дар банди 3 калимаҳои "тавассути сармутахассисон" бо калимаҳои "тавассути шӯъбаҳо, бахшҳо ва сармутахассисон" иваз карда шаванд;

- дар банди 5 баъд аз сархати ҳаждаҳум сархатҳои нав бо мазмуни зайл илова карда шаванд:

"- назорат оид ба танзими анъана ва ҷашну маросимҳо дар Ҷумҳурии Тоҷикистон;

- мувофиқаи сафарҳои хизматии омӯзгорону кормандони Муассисаи давлатии таълимии "Донишкадаи исломии Тоҷикистон ба номи Имоми Аъзам-Абӯҳанифа Нӯъмон ибни Собит";

- дар доираи салоҳияти худ маводро доир ба ҳуқуқвайронкунии маъмурӣ тибқи тартиби муқаррарнамудаи Кодекси ҳуқуқвайронкунии маъмурии Ҷумҳурии Тоҷикистон таҳия, баррасӣ ва дар ҳолатҳои зарурӣ ба мақомоти дахлдор пешниҳод менамояд";

- дар банди 9 калимаҳои "як муовин" ва "мешавад" мувофиқан бо калимаҳои "ду муовин, аз ҷумла муовини якум" ва "мешаванд" иваз карда шаванд;

- дар банди 10 калимаи "муовини" бо калимаи "муовинони" иваз карда шавад;

- дар банди 11 калимаҳои "раёсат" ва "самти" мувофиқан бо калимаи "раёсатҳо" ва "самтҳои" иваз карда шаванд;

- дар банди 12:

- дар сархати чорум калимаҳои "вазифаҳои муовинро" ба калимаҳои "вазифаҳои муовини якум ва муовинро" иваз карда шаванд;

- дар сархати шашум баъд аз калимаҳои "озод мекунад;" калимаҳои зерин илова шаванд: "дар ҳолати вайрон намудани талаботи қонунҳо ва ба тариқи зарурӣ иҷро накардани вазифаҳои хизматӣ дар бораи аз вазифа озод намудани мудирони шӯъба, бахш ва сармутахассисон оид ба корҳои дин ба мақомоти иҷроияи маҳаллии ҳокимияти давлатӣ пешниҳод ирсол менамояд."

- баъд аз сархати шашум сархати ҳафтум бо мазмуни зайл илова карда шавад:

"барои ба вазифа таъин ва аз вазифа озод намудани мудирони шӯъбаю бахшҳо оид ба корҳои дин ба мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои ҷумҳурӣ розигии хаттӣ медиҳад. Сармутахассисон оид ба корҳои дини мақомоти худидоракунии шаҳрак ва деҳот аз ҷониби раисони ҷамоатҳо тибқи розигии хаттии мудирони шӯъба ва бахшҳо оид ба корҳои дин ба вазифа таъин ва аз вазифа озод карда мешаванд.";

- дар банди 13 рақами "5" бо рақами "7" ва калимаи "муовин" бо калимаи "муовинон" иваз карда шаванд.

 3) Сохтори Дастгоҳи марказии Кумитаи оид ба корҳои дини назди Ҳукумати Ҷумҳурии Тоҷикистон,  ки  бо   қарори   Ҳукумати   Ҷумҳурии Тоҷикистон  аз 3 майи соли 2010 № 226 "Дар бораи Кумитаи оид ба корҳои дини назди Ҳукумати Ҷумҳурии Тоҷикистон" тасдиқ шудааст,  дар  таҳрири нав ифода карда шавад (замимаи 1).

5) Нақшаи идоракунии Кумитаи оид ба корҳои дини назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010 № 226 "Дар бораи Кумитаи оид ба корҳои дини назди Ҳукумати Ҷумҳурии Тоҷикистон" тасдиқ шудааст дар таҳрири нав ифода карда шавад (замимаи 2).

5) Ба қарори Ҳукумати Ҷумҳурии Тоҷикистон аз 3 майи соли 2010 № 226 "Дар бораи Кумитаи оид ба корҳои дини назди Ҳукумати Ҷумҳурии Тоҷикистон" замимаи 4 бо мазмуни зайл илова карда шавад (замима мегардад).

6) Вазорати молияи Ҷумҳурии Тоҷикистон дар соли 2010 маблағгузории хароҷотро барои нигохдории воҳидҳои кории иловагӣ таъмин карда, дар солҳои минбаъда ҳангоми таҳияи лоиҳаи Буҷети давлатӣ маблағҳои заруриро пешбинӣ намояд.

Сохтори Дастгоҳи марказии Кумитаи оид ба корҳои дини назди Ҳукумати Ҷумҳурии Тоҷикистон

Роҳбарият

Раёсати иттиҳодияҳои динӣ

Раёсати танзими анъана ва ҷашну маросимҳо

Раёсати таҳлил ва ташхиси динштносӣ

Шӯъбаи таҳсилоти динӣ ва назорати таблиғоти динӣ

Шӯъбаи равобити байналмилалӣ ва ташкили ҳаҷ

Бахши молия ва хоҷагӣ

Бахши таъминоти ҳуқуқӣ ва кадрҳо

Бахши умумӣ ва корҳои махсус

Нақшаи идоракунии Кумитаи оид ба корҳои дини назди Ҳукумати Ҷумҳурии Тоҷикистон

Дастгоҳи марказӣ

Шӯъба оид ба корҳои дин дар Вилояти Мухтори Кӯҳистони Бадахшон

Шӯъба оид ба корҳои дин дар вилояти Хатлон

Шӯъба оид ба корҳои дин дар вилояти Суғд

Шӯъба оид ба корҳои дин дар шаҳри Душанбе

Бахш оид ба корҳри дин дар шаҳру ноҳияҳои ҷумҳурӣ

Номгӯи ташкилотҳои тобеи Кумитаи оид ба корҳои дини назди Ҳукумати Ҷумҳурии Тоҷикистон

Муассисаи давлатии таълимии "Донишкадаи исломии Тоҷикистон ба номи Имоми Аъзам-Абӯҳанифа Нӯъмон ибни Собит".