Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 28 декабри соли 2006 № 593

Ҷиҳати татбиқи Фармони Президенти Ҷумҳурии Тоҷикистон аз 20 феврали соли 2009 №624 "Дар бораи ҷорӣ намудани шиносномаҳои хориҷии шаҳрвандони Ҷумҳурии Тоҷикистон, ки дорои маълумоти электронӣ мебошанд" ва мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Дар ҳайати Раёсати консулии Вазорати корҳои хориҷии Ҷумҳурии Тоҷикистон шӯъбаи персонализатсияи шиносномаҳои хориҷии шаҳрвандони Ҷумҳурии Тоҷикистон (шиносномаҳои биометрӣ) ташкил карда шавад.

2) Дар банди 2 қарори Ҳукумати Ҷумҳурии Тоҷикистон аз 28 декабри соли 2006 №593 "Дар бораи Вазорати корҳои хориҷии Ҷумҳурии Тоҷикистон" рақами "133" ба рақами "141" иваз карда шавад.

Раиси

Ҳукумати Ҷумҳурии Тоҷикистон Эмомалӣ Раҳмон

аз 25 январи соли 2010 № 14

ш. Душанбе