Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 апрели соли 2007 № 180

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Ба Низомномаи Хадамоти давлатӣ оид ба назорат дар соҳаи энергетика, ки бо қарори Ҳукумати Ҷумҳурии Тоҷикистон аз 3 апрели соли 2007 №180 "Дар бораи Хадамоти давлатӣ оид ба назорат дар соҳаи энергетика" тасдиқ шудааст, тағйироти зерин ворид карда шаванд:

- сархати дуюми банди 5 дар таҳрири зерин ифода карда шавад: "ташхиси коршоямии таҷҳизоти истеҳсолу истеъмолкунандаи энергия ва пешниҳоди хулосаҳо барои сертификатсия";

- сархати охирини банди 6 ва сархати сездаҳуми банди 7 хориҷ карда шаванд.

2) Дар Сохтори Дастгоҳи марказии Хадамоти давлатӣ оид ба назорат дар соҳаи энергетика, ки бо қарори Ҳукумати Ҷумҳурии Тоҷикистон аз 3 апрели соли 2007 №180 "Дар бораи Хадамоти давлатӣ оид ба назорат дар соҳаи энергетика" тасдиқ шудааст, калимаҳои "Шӯъбаи сертификатсияи маҳсулоти истеъмолкунандаи энергия ва захираҳои сӯзишворию эиергетикӣ" ба калимаҳои "Шӯъбаи ташхиси маҳсулоти истеъмолкунандаи энергия ва захираҳои сӯзишворию энергетикӣ" иваз карда шаванд.