Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба баъзе қарорҳои Ҳукумати Ҷумҳурии Тоҷикистон

Мувофиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва ҷиҳати иҷрои Қонуни Ҷумҳурии Тоҷикистон "Дар бораи нишондиҳанда барои ҳисобҳо" Ҳукумати Ҷумҳурии Тоҷикистон қарор мекунад:

1. Дар банди 1 қарори Шӯрои Вазирони Ҷумҳурии Тоҷикистон аз 28 апрели соли 1993 № 183 "Дар бораи таъсиси стипендияи ба номи Нурулло Ҳувайдуллоев" калимаҳои "ҳадди ақали музди меҳнат" бо калимаҳои "нишондиҳанда барои ҳисобҳо" иваз карда шаванд.

2. Дар банди 4 қарори Ҳукумати Ҷумҳурии Тоҷикистон аз 12 январи соли 1996 № 36 "Дар бораи аз ҳодисаҳои фалокатовар ҳатман суғуртаи давлатӣ кардани заҳматкашоне, ки дар корҳои барои ҳаёт ва саломатӣ хеле хавфнок кор мекунанд" калимаҳои "музди меҳнати ҳадди ақале, ки дар Ҷумҳурии Тоҷикистон муқаррар шудааст" бо калимаҳои "нишондиҳанда барои ҳисобҳо" иваз карда шаванд.

3. Дар бандҳои 1 ва 4 қарори Ҳукумати Ҷумҳурии Тоҷикистон аз 23 феврали соли 1996 № 94 "Дар бораи пардохти маблағ барои нигоҳубини кӯдакон дар муассисаҳои томактабӣ" калимаҳои "музди ҳадди ақали маош" ва "ҳадди ақали музди меҳнат" бо калимаҳои "нишондиҳанда барои ҳисобҳо" иваз карда шаванд.

4. Дар бандҳои 2 ва 8 қарори Ҳукумати Ҷумҳурии Тоҷикистон аз 10 июни соли 1996 № 264 "Дар бораи суғуртаи давлатии ҳатмии масъулияти шаҳрванди соҳибони воситаҳои нақлиёт" калимаҳои "маоши ҳадди ақали дар Ҷумҳурии Тоҷикистон муқарраргардида" бо калимаҳои "нишондиҳанда барои ҳисобҳо" иваз карда шаванд.

5. Дар банди 2 қарори Ҳукумати Ҷумҳурии Тоҷикистон аз 3 сентябри соли 1996 № 410 "Дар бораи таксаҳо барои ҳисоб карда баровардани андозаи ҷарима барои вайрон кардани қонунгузорӣ оид ба ҷангал" ва дар замимаҳои 1, 2, 3, 4, 5, ки бо қарори номбурда тасдиқ шудаанд, калимаҳои "музди меҳнати моҳонаи ҳадди ақал" ва "маоши ҳадди ақал" бо калимаҳои "нишондиҳанда барои ҳисобҳо" иваз карда шаванд.

6. Дар банди 1 ва сархати дуюми банди 2 қарори Ҳукумати Ҷумҳурии Тоҷикистон аз 4 июни соли 1997 № 261 "Дар бораи муқаррар намудани андозаи ҳадди ақали фонди оинномавии пардохтшаванда ба ташкилотҳои суғурта ҳангоме, ки онҳо барои анҷом додани фаъолияти суғуртави литсензия мегиранд" калимаҳои "маоши ҳадди ақал" ва "маоши ҳадди ақали" бо калимаҳои "нишондиҳанда барои ҳисобҳо" иваз карда шаванд.

7. Дар бандҳои 14 ва 17 Низомномаи фурӯши иншооти сохтмони нотамом, ки бо қарори Ҳукумати Ҷумҳурии Тоҷикистон аз 12 августи соли 1997 № 366 тасдиқ шудааст, калимаҳои "ҳадди ақали музди меҳнат" бо калимаҳои "нишондиҳанда барои ҳисобҳо" иваз карда шаванд.

8. Дар бандҳои 2 ва 6 қарори Ҳукумати Ҷумҳурии Тоҷикистон аз 3 апрели соли 1999 № 129 "Дар бораи суғуртаи ҳатмии давлатии Раиси Маҷлиси миллии Маҷлиси Олии Ҷумҳурии Тоҷикистон ва Раиси Маҷлиси намояндагони Маҷлиси Олии Ҷумҳурии Тоҷикистон, узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон" калимаҳои "маоши моҳонаи вазифавии" ба калимаи "нишондиҳанда барои ҳисобҳо" иваз карда шаванд.

9. Дар банди 126 Оинномаи нақлиёти автомобилии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 14 сентябри соли 1999 № 396 тасдиқ шудааст, калимаҳои "маоши ҳадди ақал" бо калимаҳои "нишондиҳанда барои ҳисобҳо" иваз карда шаванд

10. Дар банди 7 Тартиби додани иҷозатнома барои дошта гирифтани намудҳои ҳайвоноти кӯчанда, нодир ва зери таҳдиди нобудшавӣ қарордошта, ки бо қарори Ҳукумати Ҷумҳурии Тоҷикистон аз 3 июли соли 2003 № 301 тасдиқ шудааст, калимаҳои "музди меҳнати ҳадди ақал" бо калимаҳои "нишондиҳанда барои ҳисобҳо" иваз карда шаванд.

11. Дар бандҳои 3 ва 4 қарори Ҳукумати Ҷумҳурии Тоҷикистон аз 3 апрели соли 2000 № 154 "Дар бораи бақайдгирии давлатии шартномаҳои консессионӣ" калимаҳои "андозаи ҳадди ақали музди кор" ва "андозаи ҳадди ақали музди кори дар Ҷумҳурии Тоҷикистон таъиншуда" бо калимаҳои "нишондиҳанда барои ҳисобҳо" иваз карда шаванд.

12. Дар банди 1 Тартиби пардохти боҷи махсус барои баргузории экспертизаи бадеии сарватҳои фарҳангӣ, ки бо қарори Ҳукумати Ҷумҳурии Тоҷикистон аз 29 августи соли 2003 № 380 тасдиқ шудааст, калимаҳои "ҳадди ақали маоши" бо калимаҳои "нишондиҳанда барои ҳисобҳо" иваз карда шаванд.

13. Дар матни Низомномаи тартиби фуруши объектҳои моликияти давлатӣ дар тендерҳо, ки бо қарори Ҳукумати Ҷумҳурии Тоҷикистон аз 1 марти соли 2004 № 98 тасдиқ шудааст, калимаҳои "маоши ҳадди ақал" бо калимаҳои "нишондиҳанда барои ҳисобҳо" иваз карда шаванд.

14. Дар бандҳои 2, 4 ва 5 қарори Ҳукумати Ҷумҳурии Тоҷикистон аз 6 июни соли 2005 № 207 "Дар бораи тадбирҳои таъмини шаҳрвандони Ҷумҳурии Тоҷикистон бо шиносномаҳои хориҷии умумишаҳрвандӣ, ки муваққатан дар хориҷи кишвар истиқомат мекунанд" калимаҳои "маоши ҳадди ақали дар Ҷумҳурии Тоҷикистон муқарраргардида" ва "маоши ҳадди ақал" бо калимаҳои "нишондиҳанда барои ҳисобҳо" иваз карда шаванд.

15. Дар банди 1 Андозаи хироҷҳои гумрукӣ барои хизматрасонии гумрукӣ, ки бо қарори Ҳукумати Ҷумҳурии Тоҷикистон аз 2 декабри соли 2005 № 472 тасдиқ шудааст, калимаҳои "музди меҳнати ҳадди ақали муқаррарнамуда" бо калимаҳои "нишондиҳанда барои ҳисобҳо" иваз карда шаванд.

16. Дар банди 16 Қоидаҳои аз ҷониби мақомоти давлатии шуғли аҳолӣ расонидани хизматҳои машваратӣ ва кӯмаки молиявӣ ба шаҳрвандони бекоре, ки хоҳиши фаъолияти соҳибкорӣ доранд, ки бо қарори Ҳукумати Ҷумҳурии Тоҷикистон аз 31 январи соли 2006 № 62 тасдиқ шудааст, калимаҳои "музди меҳнати ҳадди ақал" бо калимаҳои "нишондиҳанда барои ҳисобҳо" иваз карда шаванд.

17.Дар матни Низомнома дар бораи хусусиятҳои иҷозатномадиҳӣ ба баъзе намудҳои фаъолият (дар таҳрири нав), ки бо қарори Ҳукумати Ҷумҳурии Тоҷикистон аз 3 апрели соли 2007 №172 тасдиқ шудааст, калимаҳои "ҳадди ақали музди меҳнат" бо калимаҳои "нишондиҳанда барои ҳисобҳо" иваз карда шаванд.