Ҳукумати Ҷумҳурии Тоҷикистон

ҚАРОР

Дар бораи тасдиқи Низомномаи тайёр кардани кадрҳои илмӣ ва илмию педагогӣ дар Ҷумҳурии Тоҷикистон

Мутобиқи моддаи 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" бо мақсади беҳтар намудани низоми тайёр кардани кадрҳои илмӣ ва илмию педагогӣ дар муассисаҳои таҳсилоти олӣ ва муассисаҳои илмии Ҷумҳурии Тоҷикистон, ба тартиб даровардани қоидаҳои қабул ба аспирантура ва докторантура, такмили таҳсил дар аспирантура ва тайёр кардани докторантҳо Ҳукумати Ҷумҳурии Тоҷикистон қарор мекунад:

Низомномаи тайёр кардани кадрҳои илмӣ ва илмию педагогӣ дар Ҷумҳурии Тоҷикистон тасдиқ карда шавад (замима мегардад).