Бо қарори Ҳукумати ҶТ аз 31.03.2020 № 207 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи тасдиқи Қоидаҳои иқомати шаҳрвандони хориҷӣ дар Ҷумҳурии Тоҷикистон ва Қоидаҳои убури транзитии шаҳрвандони хориҷӣ аз тариқи ҳудуди Ҷумҳурии Тоҷикистон

Мутобиқи Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" ва бо мақсади танзими масъалаҳои иқомати шаҳрвандони хориҷӣ дар Ҷумҳурии Тоҷикистон, Ҳукумати Ҷумҳурии Тоҷикистон қарор мекунад:

1. Қоидаҳои замимагардидаи иқомоти шаҳрвандони хориҷӣ дар Ҷумҳурии Тоҷикистон ва Қоидаҳои убури транзитии шаҳрвандони хориҷӣ аз тариқи ҳудуди Ҷумҳурии Тоҷикистон тасдиқ карда шаванд (қарори Ҳукумати ҶТ аз 1.03.2018 № 101).

2. Вазорати корҳои хориҷии Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон аз тарафи ташкилотҳои қабулкунанда ва шаҳрвандони хориҷӣ бечунучаро риоя гардидани ҳуқуқ ва ӯҳдадориҳои худро, ки дар қонунҳои Ҷумҳурии Тоҷикистон ва ҳамин Қоидаҳо пешбини шудаанд, бо тартиби муқарраргардида таъмин намоянд (қарори Ҳукумати ҶТ аз 1.03.2018 № 101).