Ҳукумати Ҷумҳурии Тоҷикистон

ҚАРОР

Дар бораи Комиссияи давлатии Ҷумҳурии Тоҷикистон оид ба захираҳои канданиҳои фоиданок

Мутобиқи моддаи 30 Қонуни Ҷумҳурии Тоҷикистон "Дар бораи сарватҳои зеризаминӣ" Ҳукумати Ҷумҳурии Тоҷикистон қарор мекунад:

1. Дар назди Саридораи геологияи назди Ҳукумати Ҷумҳурии Тоҷикистон Комиссияи давлатии Ҷумҳурии Тоҷикистон оид ба захираҳои канданиҳои фоиданок таъсис дода шавад.

2. Низомномаи замимашудаи Комиссияи давлатии Ҷумҳурии Тоҷикистон оид ба захираҳои канданиҳои фоиданок тасдиқ карда шавад.

3. Комиссияи давлатии Ҷумҳурии Тоҷикистон оид ба захираҳои канданиҳои фоиданок дар ҳайати Раис, муовини Раис, котиби масъул ва 4 нафар аъзо (бе ҳайати хизматрасон) тасдиқ карда шавад.

4. Маблағгузории Комиссияи давлатии Ҷумҳурии Тоҷикистон оид ба захираҳои канданиҳои фоиданок аз ҳисоби маблағҳои Саридораи геологияи назди Ҳукумати Ҷумҳурии Тоҷикистон, корҳои шартномавӣ ва дигар сарчашмаҳо, ки ба қонунгузории Ҷумҳурии Тоҷикистон мухолифат надорад, анҷом дода шавад.

5. Ба Номгӯи ташкилотҳои системаи Саридораи геологияи назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 26 декабри соли 2006 № 617 "Дар бораи Саридораи геологияи назди Ҳукумати Ҷумҳурии Тоҷикистон" тасдиқ шудааст, сархати нав бо мазмуни зайл илова карда шавад:

"Комиссияи давлатии Ҷумҳурии Тоҷикистон оид ба захираҳои канданиҳои фоиданок".

6. Аз эътибор соқит дониста шаванд:

қарори Шӯрои Вазирони Ҷумҳурии Тоҷикистон аз 22 авгусги соли 1994 № 420 "Масъалаҳои комиссияи давлатӣ оид ба захираҳои канданиҳои фоиданоки назди Шӯрои Вазирони Ҷумҳурии Тоҷикистон;

қарори Ҳукумати Ҷумҳурии Тоҷикистон аз 21 июли соли 1997 № 327 "Дар бораи экспертиза ва тасдиқи давлатии захираҳои канданиҳои фоиданок ва баҳисобгирии давлатии онҳо".