Низомномаи Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон

1. Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон (минбаъд Комиссия) мақоми ҳамоҳангсоз мебошад, ки ба таври доимӣ бо мақсади таҳия ва қабули қарорҳои дахлдор оид ба масъалаҳои муҳоҷирони ҳама гурӯҳҳо, гурезаҳо ва шахсони паноҳҷӯянда фаъолият мекунад (Қарори Ҳукумати ҶТ аз 02.11.2007с. №551).

2. Комиссия фаъолияти худро мутобиқи Конститутсияи (Сарқонуни) Ҷумҳурии Тоҷикистон, қонунҳои Ҷумҳурии Тоҷикистон, қарорҳои Маҷлиси Олӣ, амр ва фармонҳои Президенти Ҷумҳурии Тоҷикистон, қарор ва фармоишҳои Ҳукумати Ҷумҳурии Тоҷикистон ин Низомнома ва санадҳои ҳуқуқии байналхалқии аз ҷониби Ҷумҳурии Тоҷикистон эътироф гардида амалӣ менамояд (Қарори Ҳукумати ҶТ аз 02.11.2007с. №551).

3. Комиссия дар асосҳои ҷамъиятӣ фаъолият намуда, ба кори худ намояндагони вазорату идораҳои гуногуни манфиатдор мақомоти иҷроияи маҳаллии ҳокимияти давлатиро ҷалб мекунад (Қарори Ҳукумати ҶТ аз 02.11.2007с. № 551).

Комиссия новобаста ба ҳизбҳои сиёсӣ ва иттиҳодияҳои ҷамъиятӣсиёсӣ фаъолият мекунад.

4. Вазифаи асосии Комиссияи ҳамоҳангсозии фаъолияти вазорату идораҳо ва мақомоти иҷроияи маҳаллии ҳокимияти давлатӣ оид ба идораи равандҳои муҳоҷират дар Ҷумҳурии Тоҷикистон мебошад (Қрори Ҳукумати ҶТ аз 02.11.2007с. № 551)

5. Ҷиҳати иҷрои вазифаҳои ба ӯҳдааш гузошташуда, Комиссия функцияҳои зеринро анҷом медиҳад:

- таҳлили равандҳои муҳоҷират, новобаста аз сабабҳои ба вуқӯъ омаданашон, аз он ҷумла масъалаҳои муҳоҷирони ҳама гурӯҳҳо, гурезаҳо ва шахсони паноҳҷӯянда (Қарори Ҳукумати ҶТ аз 02.11.2007с. № 551);

бо ташкилотҳои байналхалқӣ оид ба масъалаҳои муҳоҷират ҳамкорӣ мекунад;

доир ба такмили қонунгузории Ҷумҳурии Тоҷикистон оид ба масъалаҳои муҳоҷират, инчунинн масъалаҳои гурезагон ва шахсони паноҳҷӯянда тавсияҳо таҳия менамояд (Қарори Ҳукумати ҶТ аз 02.11.2007с. № 551);

Хорич карда шуд (Қарори Ҳукумати ҶТ аз 02.11.2007с. № 551).

оид ба идораи тарафҳои муайяни равандҳои муҳоҷират семинарҳо ташкил мекунад;

вазъи корҳоро оид ба таъмини бехатарии равандҳои муҳоҷират дар ҷумҳурӣ ва минтақаҳои алоҳидаи он, вазорат ва идораҳо баррасӣ намуда, ба ин кор баҳо медиҳад;

қарорҳое қабул мекунад, ки ба иҷрои қонунҳо ва асноди байналхалқии ҳуқуқии масъалаҳои муҳоҷиратро танзимкунанда ва аз тарафи Ҷумҳурии Тоҷикистон эътирофгардида, равона карда, шудаанд.

ба баррасии Ҳукумати Ҷумҳурии Тоҷикистон масъалаҳои вобаста ба муҳоҷират, аз он ҷумла гурезагон ва шахсони паноҳҷӯяндаро пешниҳод мекунад (Қарори Ҳукумати ҶТ аз 02.11.2007с. № 551).

- тибқи тартиби муқарраргардида таҳия ва амалӣ намудани тадбирҳо оид ба мусоидат ба шаҳрвандони Ҷумҳурии Тоҷикистон ҷиҳати бокортаъминкунӣ дар хориҷи кишвар (Қарори Ҳукумати ҶТ аз 02.11.2007с. № 551).

6. Намояндагони Комиссия дар муҳокимаи лоиҳаи қонунҳои Ҷумҳурии Тоҷикистон, дар таҳияи пешниҳодот оид ба ратификацияи созишномаҳои байналхалқӣ, ки ба масъалаҳои муҳоҷират дахл доранд ва ҷиҳати баррасӣ ба Маҷлиси Олии Ҷумҳурии Тоҷикистон пешниҳод мегарданд, иштирок менамоянд.

7. Комиссия дар маҷлисҳои худ ҳисоботи вазорат, идораҳо ва мақомоти иҷроияи маҳаллии ҳокимияти давлатӣ, гӯш намуда, ҳуқуқ дорад аз роҳбарони мақомоти давлатӣ пешниҳоди мулоҳизот ва дигар ҳуҷҷатҳоеро, ки ба салоҳияташ дахл доранд, талаб намояд (Қарори Ҳукумати ҶТ аз 02.11.2007с. № 551).

8. Қарорҳои Комиссия дар доираи салоҳияти он, ба вазорату идораҳо ва мақомоти иҷроияи маҳаллии ҳокимияти давлатӣ ҳатмӣ мебошанд (Қарори Ҳукумати ҶТ аз 02.11.2007с. № 551).

9. Фаъолияти Комиссия дар асоси нақша (барнома)-е ки дар маҷлиси он қабул шудааст, амалӣ мегардад. Маҷлис ба қадри зарурат, вале на камтар аз як маротиба дар як нимсола гузаронида мешавад (қарори Ҳукумати ҶТ аз 31.12.2014 № 794).

10. Комиссия метавонад ҷиҳати иштирок дар ҷаласаҳо намояндагони ташкилотҳои ҷамъиятиву байналмилалӣ, олимон ва мутахассисони заруриро даъват намояд (Қарори Ҳукумати ҶТ аз 02.11.2007с. № 551).

10(1). Дар маҷлисҳои Комиссия қарорҳо қабул шуда, мутобиқи онҳо протоколҳо тартиб дода мешаванд. Протоколҳои ҷаласаҳо аз ҷониби раиси Комиссия ва ё иҷрокунандаи вазифаи ӯ имзо карда мешаванд. Ҷаласа дар он сурат баргузоргардида ҳисоб мешавад, ки дар он аз нисф зиёди аъзои Комиссия иштирок намоянд (Қарори Ҳукумати ҶТ аз 02.11.2007с. № 551).

11. Комиссия ҳуқуқ дорад ҷиҳати баррасии масъалаҳои муайян гуруҳҳои корӣ ташкил кунад.

12. Комиссия бо аксарияти овозҳо аз ҳисоби умумӣ ва ба таври овоздиҳии кушод қарор қабул мекунад.

13. Комиссия ба аҳли ҷомеа оид ба фаъолияти худ мунтазам маълумот медиҳад. Намояндагони матбуот, телевизион ва радио метавонанд дар маҷлисҳои он иштирок кунанд.

14. Комиссия маҷлисҳои худро метавонад дар шахру ноҳияҳои Ҷумҳурии Тоҷикистон гузаронад (Қарори Ҳукумати ҶТ аз 02.11.2007с. № 551).