Бо қарори Ҳукумати ҶТ аз 3.03.2014 № 152 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷихати иҷрои Фармони Президенти Ҷумҳурии Тоҷикистон аз 30 ноябри соли 2006 № 9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомнома, Сохтори дастгоҳи марказӣ ва Нақшаи идоракунии Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон тасдиқ карда шаванд (замимаҳои 1, 2, 3).

2. Шумораи ниҳоии кормандони Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон бо теъдоди 48 воҳид (бе ҳайати хизматрасон), аз ҷумла дастгоҳи марказӣ бо теъдоди 12 воҳид ва кормандони нозиротҳои давлатӣ бо теъдоди 36 воҳид муқаррар карда шавад (қарори Ҳукумати ҶТ аз 02.12.2008 № 611, аз 2.10.2010 № 530, аз 13.09.2012 № 486).

3. Ба Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон иҷозат дода шавад, ки ду муовини Сардор, аз ҷумла як муовини аввал ва ҳайати мушовара иборат аз 5 нафар дошта бошад.

4. Ба Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон лимити автомашинаҳои сабукравӣ хизматӣ бе назардошти автомашинаҳои махсус 6 адад, аз ҷумла 2 адад барои дастгоҳи марказӣ муқаррар карда шавад.

5. Маблағгузории Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон аз ҳисоби маблағҳои буҷети ҷумҳуриявӣ барои 39 воҳид ва аз ҳисоби маблағҳои махсуси Саридора барои 9 воҳид анҷом дода шавад (қарори Ҳукумати ҶТ аз 02.12.2008 № 611, аз 2.10.2010 № 530, аз 13.09.2012 № 486).

5. Маблағгузории Саридораи назорати давлатии бехатарии корҳо дар саноат ва соҳаи кӯҳкории, назди Ҳукумати Ҷумҳурии Тоҷикистон аз ҳисоби маблағҳои буҷети ҷумҳуриявӣ анҷом дода шавад.

6. Номгуи шахсони ҳукуқӣ, иншоот ва корҳо, ки онҳоро мақомоти Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон назорат мекунад, тасдиқ карда шавад (замимаи 4).

7. Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва мақомоти иҷроияи маҳаллии ҳокимияти давлатии дахлдор барои ба нозироти комплексии Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон дар шаҳрҳои Хоруғ, Хуҷанд ва Қурғонтеппа ҷудо намудани биноҳои маъмурӣ чораҷӯӣ намоянд.

8. Қарорҳои зерини Ҳукумати Ҷумҳурии Тоҷикистон аз эътибор соқит дониста шаванд:

- аз 2 апрели соли 2005 № 124 "Дар бораи Кумитаи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон";

- аз 3 июни соли 2006 № 272 "Оид ба ворид намудани тағйирот ба қарори Ҳукумати Ҷумҳурии Тоҷикистон аз 2 апрели соли 2005 № 124 "Дар бораи Кумитаи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон".