Ҳукумати Ҷумҳурии Тоҷикистон

ҚАРОР

Дар бораи тасдиқи Тартиби бақайдгирии давлатии воситаҳои механикии нақлиёт ва ядакҳо

Мутобиқи моддаи 28 Қонуни Ҷумҳурии Тоҷикистон "Дар бораи ҳаракати роҳ", Ҳукумати Ҷумҳурии Тоҷикистон қарор мекунад:

1. Тартиби замимагардидаи бақайдгирии давлатии воситаҳои механикии нақлиёт ва ядакҳо тасдиқ карда шавад.

2. Вазоратҳо, кумитаҳо ва идораҳои Ҷумҳурии Тоҷикистон асноди меъёрии худро бо Тартиби бақайдгирии давлатии воситаҳои нақлиёт ва ядакҳо мутобиқ гардонанд.

3. Вазорати молияи Ҷумҳурии Тоҷикистон дар соли 2000-ум ба Вазорати корҳои дохилии Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон барои ташкили низоми ягонаи бақайдгирии давлатии воситаҳои нақлиёт ва ядакҳо дар Ҷумҳурии Тоҷикистон ҷудо кардани маблағро аз буҷаи ҷумҳурӣ пешбинӣ намояд (Қарори Ҳукумати ҶТ аз 26.01.2008с № 47).

4. Вазорати корҳои дохилии Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистои назоратро аз болои иҷрои талаботи ҳамин қарор таъмин намоянд (Қарори Ҳукумати ҶТ аз 26.01.2008с № 47).