Бо Қарори Ҳукумати ҶТ аз 3.03.2007с. № 108 бе эътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи таъсиси Агентии танзими алоқаи назди Вазорати алоқаи Ҷумҳурии Тоҷикистон

Мувофиқи моддаи 8 Қонуни Ҷумҳурии Тоҷикистон "Дар бораи алоқаи барқӣ" барои танзими фаъолият дар соҳаи алоқа Ҳукумати Ҷумҳурии Тоҷикистон қарор мекунад:

1. Агентии танзими алоқаи назди Вазорати алоқаи Ҷумҳурии Тоҷикистон таъсис дода шавад.

2. Низомномаи Агентии танзими алоқаи назди Вазорати алоқаи Ҷумҳурии Тоҷикистон тасдиқ карда шавад (замима мегардад).

3. Шумораи умумии кормандони Агентии танзими алоқаи назди Вазорати алоқаи Ҷумҳурии Тоҷикистон (бо дарназардошти ҳайати хизматрасон) 25 воҳид муқаррар карда шавад.

4. Маблағгузории Агентии танзими алоқаи назди Вазорати алоқаи Ҷумҳурии Тоҷикистон аз ҳисоби маблағҳои махсуси Вазорати алоқаи Ҷумҳурии Тоҷикистон анҷом дода шавад.

Шартҳои пардохти музди меҳнати кормандони мақомоти идораи давлати нисбати кормандони Агентии танзими алоқаи назди Вазорати алоқаи Ҷумҳурии Тоҷикистон татбиқ карда шаванд.

5. Истинодҳо ба Вазорати алоқаи Ҷумҳурии Тоҷикистон дар иҷозатномаҳо, сертификатҳо ва хулосаҳои техникии амалкунанда ҳамчун истинодҳо ба Агентии танзими алоқаи назди Вазорати алоқаи Ҷумҳурии Тоҷикистон дониста мешаванд.

6. Ба қарори Ҳукумати Ҷумҳурии Тоҷикистон аз 5 июли соли 2001 № 337 "Дар бораи Вазорати алоқаи Ҷумҳурии Тоҷикистон" тағйироту иловаҳои зерин ворид карда шаванд:

- дар банди 5 қарор баъди калимаҳои "Вазорати алоқаи Ҷумҳурии Тоҷикистон" калимаҳои ", Агентии танзими алоқаи назди Вазорати алоқаи Ҷумҳурии Тоҷикистон" илова карда шаванд;

- сархати сеюми банди 6 қарор хориҷ карда шавад;

- ба Нақшаи идораи Вазорати алоқаи Ҷумҳурии Тоҷикистон банди 3 дорои мазмуни зерин илова карда шавад:

"Агентии танзими алоқаи назди Вазорати алоқаи Ҷумҳурии Тоҷикистон".