бо қарори Ҳукумати ҶТ аз 29.05.2023 № 208 аз эътибор соқит дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби баҳисобгирии давлатии Фонди манзили Ҷумҳурии Тоҷикистон

Мутобиқи моддаи 23 Кодекси манзили Ҷумҳурии Тоҷикистон ва бо мақсади омода намудани системаи ягонаи баҳисобгирии давлатии фонди манзили Ҳукумати Ҷумҳурии Тоҷикистон қарор мекунад:

1. Тартиби замимагардидаи баҳисобгирии давлатии фонди манзили Ҷумҳурии Тоҷикистон тасдиқ карда шавад.

2. Муайян карда шавад, ки баҳисобгирии давлатии фонди манзили Ҷумҳурии Тоҷикистон, сарфи назар аз шакли моликият ва мансубияти он, аз рӯи системаи ягона, ба тартиби муқаррарнамудаи Ҳукумати Ҷумҳурии Тоҷикистон амали мегардад.

3. Корхонаи воҳиди давлатии "Хоҷагии манзилию коммунали" якҷоя бо вазорату идораҳои дахлдори ҷумҳури, мақомотҳои маҳаллии ҳокимияти давлати баҳисобгирии давлатии фонди манзил, таҳия ва мувофиқаи ҳуҷҷатҳои меъёрии ба ин мақсад заруриро сари вақт таъмин намояд.

4. Қарори Шӯрои Вазирони РСС Тоҷикистон аз 11 майи соли 1985 № 154 "Дар бораи тартиби баҳисобгирии давлатии фонди манзил" беэътибор дониста шавад.