бо қарори Ҳукумати ҶТ аз 29.11.2022 № 582 аз эътибор соқит дониста шудааст

Ҳукумати Ҷумҳурии Тоҷикистон

ҚАРОР

Оид ба муқаррар намудани меъёри ягонаи ниҳоии музди меҳнати кормандони Марказҳои (гурӯҳҳои) татбиқи лоиҳаҳои инвеститсионӣ, ки аз ҷониби Ҳукумати Ҷумҳурии Тоҷикистон дар якҷоягӣ бо ташкилотҳои байналмилалии молиявӣ амалӣ шуда истодаанд

Бо мақсади беҳтар намуданн истифодаи маблағҳои Буҷети давлатии Ҷумҳурии Тоҷикистон ва қарзҳои ташкилотҳои байналмилалии молиявӣ дар доираи лоиҳаҳои якҷояи инвеститсионӣ Ҳукумати Ҷумҳурии Тоҷикистон қарор мекунад:

1. Меъёри ягонаи ниҳоии музди меҳнати кормандони Марказҳои (гурӯҳҳои) татбиқи лоиҳаҳои инвеститсионӣ, ки аз ҷониби Ҳукумати Ҷумҳурии Тоҷикистон дар якҷоягӣ бо ташкилотҳои байналмилалии молиявӣ амалӣ шуда истодаанд, тибқи замима муқаррар карда шавад.

2. Вазорати молияи Ҷумҳурии Тоҷикистон якҷоя бо Марказҳои (гурӯҳҳои) татбиқи лоиҳаҳои инвеститсионӣ ва Бунёди миллии иҷтимоию инвеститсионии Тоҷикистон, бо мувофиқаи пешакӣ бо ташкилотҳои байналмилалии молиявии маблағгузор, музди меҳнати кормандони Марказҳои (гурӯҳҳои) татбиқи лоиҳаҳои инвеститсиониро ба ҳамин қарор мутобиқ гардонад.

3. Муқаррар карда шавад, ки дар Марказҳои (гурӯҳҳои) татбиқи лоиҳаҳои инвеститсионии то қабули ҳамин қарор таъсисшуда бо сатҳи музди меҳнаташон аз меъёрҳои муқаррармегардида пастар, миқдори музди меҳнати кормандон тибқи басти воҳидҳои амалкунанда нигоҳ дошта мешавад.

4. Вазорату идораҳои Ҷумҳурии Тоҷикистон ҳангоми гузаронидани гуфтушунидҳои кредитӣ аз номи Ҳукумати Ҷумҳурии Тоҷикистон, оид ба лоиҳаҳои инвеститсионӣ қарори мазкурро ба инобат гиранд.

Меъёри ягонаи ниҳоии музди меҳнати кормандони Марказҳои (гурӯҳҳои) татбиқи лоиҳаҳои инвеститсионӣ, ки аз ҷониби Ҳукумати Ҷумҳурии Тоҷикистон дар якчоягӣ бо ташкилотҳои байналмиллалии молиявӣ амалӣ шуда истодаанд

(доллари ШМА)

+-----------------------------------+--------------Т-------------ҷ
|       Вазифа                      |    Миқдори моҳонаи музди   |
|                                   |    меҳнати кормандон (*)   |
+-----------------------------------+----------------------------+
|Директор (Директори                |                            |
|иҷрокунанда)                       |             530            |
+-Р---------Т-----------------------+----------------------------+
|Сардори лоиҳа (менеҷери            |                            |
|лоиҳа)                             |             430            |
+-----------------------------------+----------------------------+
|Муовини директор                   |             415            |
+-----Т-----------Т-----------------+----------------------------+
|Сармуҳосиб, сармуҳандис            |             400            |
+-----------------------------------+----------------------------+
|Сармутахассис, ёрдамчии            |                            |
|менеҷери лоиҳа, муҳандис           |             330            |
+----Р------------------------------+----------------------------+
|Мутахассис                         |             200            |
+-----------------------------------+----------------------------+
|Мудири маъмурият                   |             200            |
+-----------------------------------+----------------------------+
|Тарҷумон                           |             250            |
+---Р-------------------------------+----------------------------+
|Хазинадор                          |             100            |
+-----------------------------------+----------------------------+
|Котиба                             |             100            |
+-----------------------------------+----------------------------+
|Ронанда                            |             200            |
+-----------------------------------+----------------------------+
|Посбон                             |              80            |
+-----------------------------------+----------------------------+
|Фаррош                             |              50            |
+Т----------------------------------+----------------------------+
|Ҳайати ёрирасон                    |              50            |
+Р----------------------------------+----------------------------+

* Бо арзи миллӣ аз рӯи қурби расмии Бонки миллии Тоҷикистон дар рӯзи ҳисобӣ пардохт мешавад.