ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тарифи гумрукии Ҷумҳурии Тоҷикистон

Мутобиқи Қонуни Ҷумҳурии Тоҷикистон "Дар бораи тарифи гумрукӣ", инчунин такмили тарифи гумрукӣ, Ҳукумати Ҷумҳурии Тоҷикистон қарор мекунад:

1. Мизони воридотии боҷи гумрукии тарифи гумрукии Ҷумҳурии Тоҷикистон мутобиқи замимаи № 1 ин қарор тасдиқ ва аз 1 ноябри соли 2003 ҷорӣ карда шавад.

2. Ба молҳои воридотии дар давлатҳои аъзои Иттиҳоди иқтисодии Евразия истеҳсолшуда ба ғайр аз ,маъдан ва консентрати алюминий - коди мол мутобиқи ТН ВЭД ЕврАзЭС 26060000 (гилхок) ва оксиди алюминийи аз корунди сунъи фарқкунанда - коди мол мутобиқи ТН ВЭД ЕврАзЭС 2818200000 (гилхок) ҳангоми воридот низоми савдои озод татбиқ карда шуда, аз 1 ноябри соли 2003 мизони сифрии боҷи воридотии гумрукӣ ҷорӣ карда шавад (қарори Ҳукумати ҶТ аз 14.11.03с. № 497).

3. Ҳангоми ворид намудани молҳое, ки дар кишварҳои камтараққикарда истеҳсол шудаанд, мувофиқи замимаи № 2 ин қарор сабукиҳо (преференсия) дода шавад ва боҷи воридотии гумрукии мизони сифрӣ муқаррар карда шавад.

4. Нисбати корхонаҳои дорои сармояи хориҷӣ, ки то январи соли 1991 ба қайд гирифта шудаанд, ҳангоми интихоб намудани қонунгузории гумрукӣ, ки аз лаҳзаи татбиқи сармоягузорӣ амал менамуданд, ба ивази боҷи содиротӣ ҳангоми аз ҷониби онҳо ворид намудани моли барои амалӣ намудани фаъолияти истеҳсоли пешбинишуда, боҷи гумрукӣ аз рӯи мизони ягонаи 5% муқаррар ва рӯёнда шавад.

5. Вазорати корҳои хориҷии Ҷумҳурии Тоҷикистон тибқи тартиби муқарраргардида дар бораи қабули ин қарор Котиботи Кумитаи ҳамгироии Иттиҳоди иқтисодии Евразияро огоҳ намояд.

6. Қарорҳои зерин беэътибор дониста шаванд:

қарори Ҳукумати Ҷумҳурии Тоҷикистон аз 30 апрели соли 2002 № 187 "Дар бораи тарифи гумрукии Ҷумҳурии Тоҷикистон";

қарори Ҳукумати Ҷумҳурии Тоҷикистон аз 1 октябри соли 2002 № 393 "Дар бораи ворид намудани тағйирот ба қарори Ҳукумати Ҷумҳурии Тоҷикистон "Дар бораи тарифи гумрукии Ҷумҳурии Тоҷикистон" аз 30 апрели соли 2002 № 187".

* ба забони русӣ оварда шудааст

Рӯйхати давлатҳои камтараққикарда, ки барои молҳояшон ҳангоми ба ҳудуди гумрукии Ҷумҳурии Тоҷикистон ворид шудан мизони сифрии боҷи гумрукӣ муқаррар карда мешавад

1. Афғонистон                                    24. Мали

2. Бенин                                         25. Малдиви

3. Буркина-Фасо                                  26. Мозамбик

4. Бурунди                                       27. Мянма

5. Ботсвана                                      28. Непал

6. Бутан                                         29. Нигер

7. Ванутау                                       30. Руанда

8. Гаити                                         31. Самоа

9. Гвинея                                        32. Сан-Томе ва Принсипи

10. Гвинея-Бисау                                 33. Ҷазираҳои Сулаймон

11. Ҷибути                                       34. Сомали

12. Заир                                         35. Судон

13. Замбия                                       36. Сиерра-Леоне

14. Кабо-Верде                                   37. Танзания

15. Камбоҷа                                      38. Того

16. Кирибати                                     39. Тувалу

17. Ҷазираҳои Комор                              40. Уганда

18. Лаос                                         41. Ҷумҳурии Африкаи Марказӣ

19. Лесото                                       42. Чад

20. Либерия                                      43. Гвинеяи Экваториалӣ

21. Мавритания                                   44. Эфиопия

22. Мадагаскар                                   45. Гамбия

23. Малави