СОЗИШНОМАИ ҚАРЗӢ БАЙНИ ҶУМҲУРИИ ТОҶИКИСТОН ВА БОНКИ ИСЛОМИИ РУШД ОИД БА СОХТМОНИ ЛОТ-и 4 (ИНШООТИ СОҲИЛИ ЧАП) ЛОИҲАИ НБО РОҒУН, ТОҶИКИСТОН

СОЗИШНОМАИ МАЗКУР дар санаи _____/______/2024 баста шудааст

АЗ ТАРАФ ВА БАЙНИ

ҶУМҲУРИИ ТОҶИКИСТОН («Қарзгиранда»);

ВА

БОНКИ ИСЛОМИИ РУШД(БИР)

ки ҳар кадом «Тараф» ва дар якҷоягӣ «Тарафҳо» номида мешаванд,

БО ДАРНАЗАРДОШТИ ОН, КИ

ҲАМИН ТАРИҚ, Тарафҳо ба мувофиқаи зерин расиданд:

Моддаи 1. ШАРТҲОИ УМУМӢ; МАФҲУМҲО

 1.1 Шартҳои умумӣ

 1.1.1 Созишномаи мазкур бо Шартҳои умумии БИР нашри 2020 (Шартҳои умумӣ), ки нисбати маблағгузории қарзӣ татбиқ мешаванд, танзим карда мешавад. Шартҳои умумӣ қисми ҷудонашавандаи Созишномаи мазкур мебошанд;

 1.1.2 Дар сурати мавҷуд будани ягон номувофиқатӣ байни шартҳои Созишномаи мазкур ва Шартҳои умумӣ, муқаррароти Созишномаи мазкур бартарӣ хоҳанд дошт;

 1.1.3 Созишномаи мазкур мувофиқи Шартҳои умумӣ Созишномаи қарзӣ мебошад.

 1.2 Мафҳумҳо

 1.2.1 Ҳангоми истифода дар Созишномаи мазкур якчанд истилоҳҳои дар Шартҳои умумӣ муайяншуда маънои дахлдори дар он зикргардидаро доранд, ба шарте ки Созишномаи мазкур тағйир наёфта бошад ё матн тартиби дигареро талаб накунад. Мафҳумҳои иловагие, ки дар Созишномаи мазкур истифода мешаванд, маънои зерин доранд:

Моддаи 2. МАБЛАҒИ МАБЛАҒГУЗОРӢ; ГИРИФТАНИ МАБЛАҒҲО

2.1. БИР ба Қарзгиранда маблағи на бештар аз 67,750,000 (шасту ҳафт миллиону ҳафтсаду панҷоҳ ҳазор динори исломӣ) («Маблағи тасдиқшуда») медиҳад. Маблағи тасдиқшуда тибқи нақшаи маблағгузорӣ, ки дар Замимаи I ифода ёфтааст, истифода мешавад.

2.2. БИР пардохти маблағҳоро мувофиқи муқаррароти Мактуб дар бораи пардохт ва бо риояи шартҳои дар фаслҳои 3.3 (Дархостҳо оид ба пардохт) ва 4.5 (Шартҳои пардохт) Шартҳои умумӣ муқарраршуда анҷом медиҳад. Ҳаҷми умумии пардохт дар соли 2025 30 000 000 (сӣ миллион доллари ИМА), дар соли 2026 60 000 000 (шаст миллион доллар) ва баъд аз он 90 000 000 (навад миллион доллари ИМА)-ро ташкил медиҳад.

2.3. Муҳлати охирини пардохти маблағ 31/08/2029 мебошад.

2.4. Бе расонидани зиён ба ҳама гуна шартҳои дигари пеш аз пардохт, Қарзгиранда бояд таъин намудани аудитори мустақили молиявии Лоиҳаро барои гузаронидани аудити сифати қонеъкунандаи Бонк таъмин намояд. Қарзгиранда бояд ҳангоми пешниҳоди дархост оид ба ҳама гуна Пардохт пас аз Пардохти аввал ҳуҷҷати расмии тасдиқкунандаи мавҷудияти аудитори мустақили молиявии лоиҳаро пешниҳод намояд. Таъин накардани аудитори мустақил ҳодисаи иҷро накардан ба ҳисоб меравад ва боиси боздоштани пардохти маблағи тасдиқшуда мегардад.

Моддаи 3. МЕХАНИЗМҲОИ АМАЛИСОЗӢ

3.1. Агентии иҷрокунандаи лоиҳа Гурӯҳи татбиқи лоиҳаҳои сохтмони иншооти энергетикии назди Президенти Ҷумҳурии Тоҷикистон мебошад.]

3.2. Лоиҳа дар давоми 5 (панҷ) сол аз рӯзи пардохти аввал амалӣ карда мешавад.

3.3. Агар аз ҷониби БИР тартиби дигаре мувофиқа нагардида бошад, Қарзгиранда бояд ҷузъҳои Лоиҳаро, ки мувофиқи Замимаи II Созишномаи мазкур аз маблағи тасдиқшуда маблағгузорӣ мешавад, харад ё харидориро таъмин менамояд.

Моддаи 4. ПАРДОХТҲО

4.1.Қарзгиранда маблағи асосиро дар давоми 25 (бисту панҷ) сол, аз ҷумла давраи имтиёзноки 7 (ҳафт)-сола бо 36 (сию шаш) пардохти пай дар пай нимсола тибқи замимаи III пардохт менамояд.

4.2. Қарзгиранда бояд Пардохти хидматонаро ки дар аввал ID 3,900,172,64 ҳисоб шудааст, тибқи тартиби дар Замимаи IV муқарраршуда пардохт намояд. Пардохт барои хизматрасонӣ бояд аз рӯзи баста шудани Созишномаи мазкур пардохта шавад.

4.3. Маблағ барои хизматрасонӣ, ки дар моддаи 4.2 нишон дода шудааст, баҳодиҳӣ дар асоси давраи татбиқи Лоиҳаи дар моддаи 3.2 пешбинишуда ва ҷадвали пардохти пешакӣ мебошад. Маблағи воқеӣ ва ниҳоии Пардохт барои хизматрасонӣ дар охири давраи татбиқи Лоиҳа ҳисоб карда мешавад, аммо маблағи Пардохт барои хизматрасонӣ хангоми ҳисоб кардан барои ҳар сол дар ҳеҷ сурат набояд аз 1,5% маблағи тасдиқшуда дар як сол зиёд бошад.

4.4.Пардохтҳое, ки аз ҷониби Қарзгиранда ба БИР анҷом дода мешаванд, бояд ба суратҳисоби зерини БИР ё ҳар суратҳисоби дигаре, ки БИР ба Қарзгиранда хабар медиҳад, анҷом дода шаванд.

4.5. Маблағи хайрия: Агар ягон маблағ («Маблағи пардохтнашуда»), ки бояд аз ҷониби Қарзгиранда ба БИР пардохта шавад, дар муҳлати муқарраргардида («Муҳлати пардохт») пардохт нагардад, пас Қарзгиранда уҳдадор мешавад, ки илова ба пардохти Маблағи пардохтнашуда Маблағи хайрияро пардохт кунад. Барои мақсадҳои ҳисоб кардани Маблағи хайрия даврае, ки аз рӯзи пардохт сар шуда, дар рӯзи иҷрои пурраи уҳдадории Қарзгиранда оид ба пардохти Маблағи пардохтнашуда ба охир мерасад, «Давраи пардохтнашуда» номида мешавад. Маблағи хайрия ба таври зерин ҳисоб карда мешавад:

4.6. Маблағи хайрия ба ҳеҷ ваҷҳ набояд ба Маблағи пардохтнашуда илова карда шавад. Маблағи хайрия, ки бояд пардохта шавад, ба андозаи бештари Маблағи хайрияе, ки дар боло ҳисоб карда шудааст ё маблағе, ки БИР ба Қарзгиранда ҳамчун хароҷоти воқеии аз ҷониби БИР ба сабаби напардохтани Маблағи пардохтнашуда дар санаи пардохт хабар додааст, маҳдуд мешавад. Илова бар ин, Қарзгиранда барои тамоми хароҷоти воқеии ҳуқуқӣ ва дигар вобаста ба он (вале ба истиснои ҳар гуна хароҷоти маблағгузорӣ ё хароҷоти имкониятҳо), ки аз ҷониби БИР дар натиҷаи Маблағи пардохтнашуда дар санаи пардохт сурат гирифтааст, масъул аст.

4.7. Аз Қарзгиранда талаб карда намешавад, ки Маблағи хайрияро пардохт кунад, агар Қарзгиранда метавонад то қаноатмандии оқилонаи БИР нишон диҳад, ки қобилият надоштани Қарзгиранда барои анҷом додани пардохт дар натиҷаи қасдан иҷро накардани уҳдадориҳо ба миён наомадааст.

4.8.Ҳама гуна маблағи хайрия бояд ба суратҳисоби бонкии алоҳидаи зерин дар БИР гузаронида шавад:

Моддаи 5. ШАРТҲОИ МАХСУС

5.1. Қарзгиранда бояд маблағи ҳар норасоиро барои қонеъ кардани камбуди маблағгузории Лоиҳа (Лоти 4) барои маблағгузории фаъолияти Лоиҳа мутобиқи нақшаи маблағгузории дар Замимаи I зикршуда гузаронад.

5.2. Қарзгиранда бояд маблағгузории БИР-ро барои Лоиҳа дар маводи хаттӣ ва изҳороти шифоҳӣ, инчунин тавассути истифодаи логотипи БИР дар дороиҳо, мавод ва ҳисоботҳои лоиҳа тасдиқ намояд.

Моддаи 6. ЭЪТИБОР ПАЙДО КАРДАН

6.1. Созишномаи мазкур баъди аз ҷониби Қарзгиранда иҷро гардидани шартҳои эътибор пайдо кардани, ки дар боби 4.1 Шартҳои умумӣ ифода ёфтаанд, эътибор пайдо менамояд.

6.2. Илова ба хулосаи ҳуқуқӣ Қарзгиранда бояд ба Бонк далелҳои қонеъкунандаи Бонкро пешниҳод намояд, ки ҳаммаблағгузорӣ аз ҷониби Гурӯҳи Бонки Ҷаҳонӣ, Фонди рушди Саудӣ, Хазинаи рушди иқтисодии Кувайт, Хазинаи рушди байналмиллалии ОПЕК ва Хазинаи Абузабиро нишон диҳад. барои рушд (ё ҳар маблағгузори дигаре, ки ин муассисаҳоро барои пардохти маблағгузории Лот 4 иваз менамояд) маъқул дониста шудааст. [

6.3. Муҳлати ниҳоии ноил шудан ба санаи эътибори Созишномаи мазкур яксаду ҳаштод (180) рӯз пас аз санаи ба имзо расонидани Созишномаи мазкур, тавре дар оғози Созишномаи мазкур зикр шудааст, мебошад.

Моддаи 7. ТАМОС

Қарзгиранда бо ҳамин Вазири молияи Ҷумҳурии Тоҷикистонро намояндаи ваколатдори худ барои мақсадҳои фасли 8.12 Шартҳои умумӣ таъин мекунад. Ҳама гуна огоҳинома вобаста ба Созишномаи мазкур ба суроғаҳои зерини Тарафҳо фиристода мешавад:

Барои Қарзгиранда:

Вазорати молияи Ҷумҳурии Точикистон

Ҷумҳурии Тоҷикистон, шаҳри Душанбе, кӯч. Шероза , 35

Тел: +992 37 221 14 17

Факс: +992 37 221 68 10

Почтаи электронӣ: info@moliya.tj

Барои БИР:

8111 кӯчаи Подшоҳ Холид , ноҳияи Ал-Нузла Ал-Ямания.

Қисми №1, Ҷидда-22332-2444

Шоҳигарии Арабистони Саудӣ

Тел: +966 12 6361400

Факс: +966 12 6366871

Почтаи электронӣ: IDBARCHIVES@isdb.org

Моддаи 8. ТАРАФҲОИ ДАХЛДОР ВА ИМЗОҲО :

Созишномаи мазкур ва дигар ҳуҷҷатҳои дар ин ҷо пешбинишуда метавонанд дар як ё якчанд нусха ба расмият дароварда шаванд, ки ҳар яки онҳо нусхаи аслӣ ҳисобида мешаванд ва ҳама якҷоя гирифташуда як ва якхела ҳисобида мешаванд. Эълон ё ҳуҷҷат пас аз имзои нусхаҳои он аз ҷониби ҳар як тараф ва ба тарафҳои дигар супурдани он эътибор пайдо мекунад. Ҳар як тараф розӣ аст, ки имзоҳои электронии хоҳ рақамӣ ва хоҳ рамзгузоришуда, ки ба ин ворид карда шудаанд, барои тасдиқи ин навиштаҷот пешбинӣ шудаанд ва ба мисли имзоҳои дастӣ эътибор ва таъсир доранд. Интиқоли нусхаи Созишномаи мазкур ё ягон ҳуҷҷати дигаре, ки дар Созишномаи мазкур пешбинӣ шудааст, бо дастури аслӣ ё имзои электронӣ, тавассути почтаи электронӣ дар «формати ҳуҷҷати сайёр» («.pdf») ё формати шабеҳе, ки барои нигоҳ доштани графика ва графикии аслӣ пешбинӣ шудааст. Ҳуҷҷат ё истифодаи нармафзори имзои электронӣ ҳамон гуна таъсир дорад, ки ҳуҷҷати коғазӣ бо имзои аслӣ пешниҳод карда мешавад.

СОЗИШНОМАИ МАЗКУР дар санаи дар аввали Созишномаи мазкур мукарраршуда баста шудааст.

ЗАМИМАИ I. ТАВСИФИ ЛОИҲА ВА НАҚШАИ МАБЛАҒГУЗОРӢ

ФАСЛИ I «ТАВСИФИ ЛОИҲА»

Ҳадафи лоиҳа таҳвили неруи барқи тоза, барқароршаванда, дастрас ва боэътимод барои қонеъ кардани талаботи афзояндаи дохилӣ ба неруи барқ бо нархҳои дастрас, беҳтар намудани амнияти энергетикӣ ва тиҷоратӣ гардонидани он тавассути бозори минтақавии неруи барқ дар Осиёи Марказӣ мебошад. Ҳамин тариқ, он метавонад барои кам кардани партови гази ангидриди карбон дар шабакаҳои барқи Қазоқистон ва Ӯзбекистон мусоидат кунад, инчунин дар беҳбуди амнияти об на танҳо дар Тоҷикистон, балки дар минтақаи Осиёи Марказӣ низ саҳм гузорад.

Лоиҳаи Роғун аз сарбанд бо баландии 335 м, чор туннели гидравликӣ (дарозиашон аз 1100 м то 1500 м, диаметрашон аз 10 м то 15 м), обпартои рӯизаминӣ, толори зеризаминӣ бо шаш агрегати турбинаи Франсис (6 х 630 МВт), таҷҳизоти баландшиддат ва таҷҳизоти ёрирасон иборат иебошад.

Ҳукумати Тоҷикистон сохтмони Лоти 4 (иншоотҳои соҳили чап)-и Неругоҳи барқи обии Роғунро пешниҳод кардааст, ки аз ҷониби Бонки Исломии Рушд ва аъзои Гурӯҳи Ҳамоҳангсозии Араб (Фонди рушди Саудӣ, Хазинаи Рушди Иқтисодии Кувайт, Хазинаи ОПЕК оид ба рушди байналмилалӣ ва Хазинаи рушди Абузабӣ) маблағгузорӣ мегардад.

Лоиҳа аз ҷузъҳои зерин иборат аст:

Қисмати А. Таҷҳизоти гидромеханикӣ, барқи обӣ ва корҳои сохтмонӣ – иншооти обгиранда; обгирии доимӣ (аз ҷумла туннелҳои таҳти фишор ва обгардонҳо), корҳои сохтмонӣ дар туннелҳои обгир ва обгардон ва таҷҳизоти гидромеханикӣ, ки барои таъмини воридшавии об ба агрегатҳои энергетикӣ зарур аст; корҳои сохтмонӣ ва системаҳои умумиистгоҳии (СУИ) неругоҳи барқ; толории трансформатор; галереяҳои васл кардани пардаи канораи чап.

Қисмати В: Аудити молиявӣ: Маблағгузории хизматрасониҳои аудиторӣ барои таъмини он, ки маблағгузории пешниҳодшуда мувофиқи ҳадафҳои лоиҳа истифода мешавад.

ФАСЛИ II «НАҚШАИ МАБЛАҒГУЗОРӢ»

(*) Ҳама рақамҳо ба истиснои фоизҳо бо доллари ИМА оварда шудаанд.

ЗАМИМАИ II. ХАРИДИ КОР, МОЛ ВА ХИЗМАТРАСОНИҲО

Хариди дороиҳои Лоиҳа ба таври зерин амалӣ карда мешавад:

Дастурҳои дахлдори харид. Хариди корҳо ва хизматрасониҳое, ки аз ҷониби аъзои ГҲА/ACG ва БИР якҷоя маблағгузорӣ шуда, дар он БИР ҳаммаблағгузори пешбар мебошад, мувофиқи Дастурамали БИР оид ба хариди молҳо, корҳо ва хизматрасониҳои марбута дар доираи маблағгузории лоиҳаи БИР амалӣ карда мешавад. (Нашри апрели соли 2019, феврали соли 2023 аз нав дида баромада шудааст) ва Дастур оид ба хариди хизматрасониҳои машваратии молияи БИР (нашри апрели соли 2019, феврали соли 2023 аз нав дида баромада шудааст) бо истифода аз ҳуҷҷатҳои дахлдори хариди стандартии БИР.

Истифодаи ҳуҷҷатҳои стандартии харид барои фаъолиятҳои аз ҷониби БИР маблағгузорӣшаванда: Агентии иҷрокунанда бояд ҳуҷҷатҳои дахлдори хариди стандартиро барои корҳо ва молҳо ва Дархост барои пешниҳодҳо (ДП/RFP) барои хизматрасониҳои машваратии аз ҷониби БИР додашуда бо тағйироти ҳадди ақали қобили қабул барои БИР, мувофики талаб ва ҷиҳати ҳал намудани масъалахои конкретии мамлакат ва Лоиҳа бояд истифода намояд.

Ҳама муомилоти харид бояд ба Дастур оид ба мубориза бо коррупсияи Гурӯҳи БИР оид ба пешгирӣ ва мубориза бо қаллобӣ ва коррупсия дар фаъолиятҳои аз ҷониби Гурӯҳи БИР маблағгузорӣшаванда, инчунин расмиёти таҳримҳо мувофиқ бошанд.

Баимзорасонии пешакии қарордод. Барои суръат бахшидан ба Лоиҳа қарордоди пешакӣ метавонад барои (i) пудратчии корҳои сохтмонӣ ва ( ii ) ширкати аудити молиявӣ истифода шавад.

Тартиби харид дар ҷадвали зерин ҷамъбаст карда шудааст:

ЗАМИМАИ III. ҶАДВАЛИ ПАРДОХТИ МАБЛАҒИ АСОСӢ

ЗАМИМАИ IV . ҶАДВАЛИ ПАРДОХТ БАРОИ ХИЗМАТРАСОНИҲО

САҲИФАИ ИҶРО:

БО ТАСДИҚИ ҲАМИН, намояндагони ваколатдори Тарафҳо Созишномаи мазкурро оид ба сохтмони Лот-и-4 (Иншоотҳои соҳили чап)-и Лоиҳаи НБО-и Роғун, Тоҷикистон (TJK-1042) ба забони англисӣ ба имзо расониданд.