ҲУКУМАТИ ҶУМҲУРИИ ТОҶИКИСТОН

ҚАРОР

Оид ба Низомнома дар бораи шуроҳои ҷамъиятӣ

Мутобиқи моддаи 13 Қонуни Ҷумҳурии Тоҷикистон "Дар бораи иштироки шаҳрвандон дар таъмини тартиботи ҷамъиятӣ" Ҳукумати Ҷумҳурии Тоҷикистон қарор мекунад:

1. Низомнома дар бораи шуроҳои ҷамъиятӣ тасдиқ карда шавад (замима мегардад).

2. Вазорати корҳои дохилии Ҷумҳурии Тоҷикистон:

- ҷиҳати таъсис ва ташкили фаъолияти шуроҳои ҷамъиятӣ чораҳои зарурӣ андешад;

- ҳамкории муштараки мақомоти корҳои дохилиро бо шуроҳои ҷамъиятӣ тибқи Қонуни Ҷумҳурии Тоҷикистон "Дар бораи иштироки шаҳрвандон дар таъмини тартиботи ҷамъиятӣ", санадҳои ҳуқуқии байналмилалие, ки Тоҷикистон онҳоро эътироф кардааст ва Низомномаи мазкур ташкил намояд;

- таҳлил ва ҷамъбасти натиҷаҳои фаъолияти шуроҳои ҷамъиятиро ҳамасола анҷом диҳад.