ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тадбирҳои иловагӣ оид ба иҷрои Конвенсияи Вена дар бораи ҳифзи қабати озон ва ислоҳоти Кигалӣ ба Протоколи Монреал оид ба моддаҳои вайронкунандаи қабати озон

Мутобиқи моддаи 11 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади иҷрои уҳдадориҳои Ҷумҳурии Тоҷикистон оид ба Конвенсияи Вена дар бораи ҳифзи қабати озон ва ислоҳоти Кигалӣ ба Протоколи Монреал оид ба моддаҳои вайронкунандаи қабати озон, ки дар шаҳри Кигалӣ, Ҷумҳурии Руанда, 15 октябри соли 2016 қабул гардидааст, Ҳукумати Ҷумҳурии Тоҷикистон қарор мекунад:

1.Низомнома дар бораи тартиби воридот ва содироти гидрофторкарбонҳое, ки дар гурӯҳҳои I ва II рӯйхати F Протоколи Монреал нишон дода шудаанд, ба/аз Ҷумҳурии Тоҷикистон тасдиқ карда шавад (замимаи 1).

2.Номгӯйи ягонаи гидрофторкарбонҳое, ки дар гурӯҳҳои I ва II рӯйхати F Протоколи Монреал нишон дода шудаанд ва барои воридот ва с одироти онҳо ба/аз Ҷумҳурии Тоҷикистон маҳдудият ҷорӣ мегардад, тасдиқ карда шавад (замимаи 2).

3.Ҳиссаи воридоти гидрофторкарбонҳо ба Ҷумҳурии Тоҷикистон барои солҳои 2023-2024 муқаррар карда шавад (замимаи 3).