ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 30 декабри соли 2019, №656

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба замимаи 1 қарори Ҳукумати Ҷумҳурии Тоҷикистон аз 30 декабри соли 2019, №656 "Дар бораи Низомномаи намунавии муассисаҳои тайёрии варзишӣ дар Ҷумҳурии Тоҷикистон, меъёри заминавии музди меҳнат ва иловапулиҳо дар муассисаҳои мазкур" тағйиру иловаҳои зерин ворид карда шаванд:

1) аз номи Низомнома калимаҳои "Дар бораи" хориҷ карда шаванд;

2) дар банди 13 калимаи "бахшҳо" ба калимаи "гурӯҳҳо" иваз гардида, пас аз калимаҳои "зинаи тайёрии варзишӣ" калимаҳои "дар минтақаҳои дигар" илова карда шаванд;

3) аз банди 15 калимаи "бахшҳо/" хориҷ карда шавад;

4) дар банди 16:

- дар сархати чорум пас аз калимаи "машқӣ" калимаҳои "ва чорабиниҳои варзишӣ" илова карда шаванд;

- сархати панҷум дар таҳрири зерин ифода карда шавад:

"- муассисаҳои тайёрии варзиширо бо табибон, равоншиносон ва маҳсгарон таъмин намоянд;";

5) дар банди 17:

- дар сархати якум калимаҳои "ва ҷавонон" ба калимаҳои ", ҷавонон ва калонсолон" иваз карда шаванд;

- дар сархати дуюм пас аз калимаи "талаботи" калимаҳои "стандартҳои давлатии тайёрии варзишӣ ва" илова карда шаванд;

- дар сархати шашум калимаҳои "мунтахаби Ҷумҳурии Тоҷикистон" ба калимаи "мунтахаб" иваз карда шаванд;

- дар сархати ҳафтум калимаи "ҷавонони" ба калимаи "аҳолии" иваз карда шавад;

6) дар банди 20 калимаҳои "ва ҷавонон" ба калимаҳои ", ҷавонон ва калонсолон" иваз карда шаванд;

7) ба банди 21 ҷумлаи дуюм бо мазмуни зерин илова карда шавад:

"Бо мақсади пурра намудани гурӯҳҳои машқӣ муассиса метавонад машқварзони захиравӣ дошта бошад.";

8) дар бандҳои 23, 45, 50, 51, 52, 57, 65, 67, 68, 84 ,100, 118, номи параграфи 2 боби 4, бандҳои 144 ва 145 калимаҳои "мунтахаби Ҷумҳурии Тоҷикистон" ба калимаи "мунтахаб" иваз карда шаванд;

9) дар банди 30 калимаи "Бахшҳои" ба калимаи "Гурӯҳҳои" иваз карда шавад;

10) дар банди 43 калимаҳои "тартиби муқарраршуда бо розигии мақоми ваколатдори давлатӣ дар соҳаи тарбияи ҷисмонӣ ва варзиш" ба калимаҳои "талаботи Низомнома" иваз карда шаванд;

11) дар банди 49 калимаи "дастурдиҳанда" ба калимаи "дастурдиҳӣ" иваз карда шавад;

12) дар банди 53:

- дар сархатҳои якум, дуюм ва чорум калимаҳои "мунтахаби Ҷумҳурии Тоҷикистон" ба калимаи "мунтахаб" иваз карда шаванд;

- ба сархати шашум пас аз калимаҳои "Чемпионати Осиё," калимаҳои "Бозиҳои Исломӣ," илова карда шаванд;

13) дар банди 66 калимаи "ҷумҳуриявӣ" ба калимаҳои "ҷумҳурӣ, вилоятӣ, минтақавӣ ва шаҳри Душанбе" иваз карда шавад;

14) ба банди 78 ҷумлаи сеюм бо мазмуни зерин илова карда шавад:

"Шӯрои муассиса дар се моҳ на кам аз як маротиба гузаронда мешавад.";

15) ба банди 79 ҷумлаи дуюм бо мазмуни зерин илова карда шавад:

"Шӯрои мураббиён дар як моҳ як маротиба гузаронда мешавад.";

16) банди 80 дар таҳрири зерин ифода карда шавад:

"80. Муассисаҳои тайёрии варзишӣ бояд чунин ҳуҷҷатҳоро доро бошанд:

- фармоишҳои ҳайати шахсӣ;

- фармоишҳои умумӣ;

- санадҳои меъёрии ҳуқуқии танзимкунандаи соҳа;

- оинномаи муассиса, дастурамалҳо оид ба фаъолият, қоидаҳои бехатарӣ;

- нақшаи кори солона;

- нақшаи кори Шӯрои муассиса;

- нақшаи кори Шӯрои мураббиён;

- рӯйхати варзишгарони шуъбаҳо ва гурӯҳҳо, инчунин ҳайати варзишгарони аз ҷониби муассиса тасдиқшуда;

- парвандаҳои шахсии варзишгарон (аз ҷумла аризаи варзишгарон оид ба қабул ба муассиса ва назорати тиббии онҳо);

- рӯйхати ҳайати дастаи мунтахаб ва захираи он (барои мактабҳои олии варзишӣ ва марказҳо);

- маводи вобаста ба меъёрҳои санҷишӣ ва интиқоли варзишгарон ба зинаҳои гуногуни тайёрии варзишӣ;

- маводи вобаста ба дараҷа ва унвонҳои варзишии варзишгарон;

- маводи вобаста ба унвонҳои фахрӣ, дараҷаи мураббиён, доварон ва методистон;

- дастовардҳои варзишии муассиса;

- тақвими ягонаи чорабиниҳои оммавию варзишӣ, омодагию солимгардонӣ ва иштироки варзишгарон дар мусобиқаҳои ҷумҳуриявӣ, байналмилалӣ ва иҷрои он;

- низомнома (тартиб)-и баргузории мусобиқаҳо ва протоколи мусобиқаҳо;

- ҳуҷҷатҳои ворида;

- ҳуҷҷатҳои содира;

- ҳисоботи омории мактабҳои варзишӣ (ТҶ-2);

- ҳисоботи моҳона, семоҳа, шашмоҳа ва солонаи муассиса;

- ҷадвали машғулиятҳо ва гузоришҳо оид ба назорати раванди машғулиятҳо;

- нақшаи дурнамои тайёрии варзишгарон (аз ҷумла варзишгарони ояндадор) дар давраи олимпӣ;

- харҷномаи муассиса, харҷномаи даромад ва хароҷоти ғайрибуҷетӣ, тарифгузории мураббиён, басти вазифаҳо ва маводи вобаста ба хизматрасонии муздноки муассиса;

- қоидаҳои одоби рафтори варзишгарон, мураббиён ва доварон;

- маводи вобаста ба баргузории ҷамъомадҳои машқӣ-варзишӣ;

- қарорҳои ҳайати мушовара, фармоиш, супоришҳои мақомоти ваколатдори давлатии дар соҳаи тарбияи ҷисмонӣ ва варзиш, муассиса.";

17) дар банди 85 пас аз калимаи "мутобиқи" калимаҳои "стандарти давлатии тайёрии варзишӣ ва" илова карда шаванд;

18) дар банди 86 рақамҳои "70" ва "15" мувофиқан ба рақамҳои "60" ва "20" иваз гардида, калимаҳои "Кумитаи байналмилалии олимпӣ ва Шӯрои олимпии Осиё" ба калимаҳои "мақоми ваколатдори давлатӣ дар соҳаи тарбияи ҷисмонӣ ва варзиш" иваз карда шаванд;

19) ҷадвали банди 87 дар таҳрири зерин ифода карда шавад:

ҷадвал

20) банди 89 дар таҳрири зерин ифода карда шавад:

"89. Рӯйхати гурӯҳҳои зинаҳои тайёрии ибтидоӣ, машқӣ-варзишӣ аз ҷониби роҳбари муассисаи тайёрии варзишӣ дар мувофиқа бо сохторҳои маҳаллии мақоми ваколатдори давлатӣ дар соҳаи тарбияи ҷисмонӣ ва варзиш, рӯйхати гурӯҳҳои зинаҳои мукаммалгардонии маҳорати варзишӣ аз ҷониби мақоми ваколатдори давлатӣ дар соҳаи тарбияи ҷисмонӣ ва варзиш ва сохторҳои маҳаллии он, инчунин рӯйхати гурӯҳҳои зинаҳои маҳорати олии варзишии тамоми муассисаҳои тайёрии варзишӣ аз ҷониби мақоми ваколатдори давлатӣ дар соҳаи тарбияи ҷисмонӣ ва варзиш тасдиқ карда мешавад.";

21) дар банди 96 калимаи "як" ба калимаи "ду" иваз гардида, ҷумлаи чорум бо мазмуни зерин илова карда шавад:

"Дар ҳолати кам гардидани шумораи варзишгарон дар гурӯҳи машқӣ, бо фармоиши директори муассиса аз ҳисоби машқварзони захиравӣ гурӯҳ пур карда мешавад.";

22) дар сархати якуми банди 106 калимаи "гурӯҳӣ" ба калимаи "амалӣ" иваз карда шавад;

23) дар банди 111:

- дар сархати сеюм аломати нуқта ба аломати нуқтавергул ";" иваз карда шавад;

- сархати чорум бо мазмуни зерин илова карда шавад:

" - дар гурӯҳҳои маҳорати олӣ - на зиёда аз 5 соати академӣ.";

24) ба ҷумлаи якуми банди 114 пас аз калимаҳои "соати академӣ" калимаҳои "дар як ҳафта" илова карда шаванд;

25) банди 140 дар таҳрири зерин ифода карда шавад:

"140. Вазифаи сармуррабии дастаи мунтахаби шаҳр, минтақа, вилоят ва аз рӯйи намудҳои варзиш (минбаъд - сармуррабӣ) танҳо дар мактабҳои маҳорати олӣ, марказҳои тайёрии олимпӣ ва марказҳои омодагии дастаҳои мунтахаб ҷорӣ карда мешавад.";

26) дар банди 142 калимаҳои "мунтахаби Ҷумҳурии Тоҷикистон" ва "бонуфузи байналмилалӣ" ба калимаҳои "мунтахаб" ва "варзишӣ" иваз карда шаванд;

27) дар банди 155 пас аз калимаи "амалкунандаи" калимаҳои "ба балоғатрасидаи" илова гардида, калимаҳои "мунтахаби Ҷумҳурии Тоҷикистон" ба калимаи "мунтахаб" иваз карда шаванд;

28) дар сархати дуюми банди 160 калимаҳои "дафтарчаи варзишӣ" ба калимаҳои "дафтарчаи меъёрии варзишии варзишгар" иваз карда шаванд.

2. Замимаҳои 3 ва 5 ба қарори Ҳукумати Ҷумҳурии Тоҷикистон аз 30 декабри соли 2019, №656 "Дар бораи Низомномаи намунавии муассисаҳои тайёрии варзишӣ дар Ҷумҳурии Тоҷикистон, меъёри заминавии музди меҳнат ва иловапулиҳо дар муассисаҳои мазкур" дар таҳрири нав тасдиқ карда шаванд (замимаҳои 1 ва 2).