ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 27 феврали соли 2010, №77

Мутобиқи моддаҳои 56 ва 75 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 4 қарори Ҳукумати Ҷумҳурии Тоҷикистон аз 27 феврали соли 2010, № 77 "Дар бораи тасдиқ намудани шакли бланкҳои сабти асноди ҳолати шаҳрвандӣ ва бланки шаҳодатномаҳое, ки дар асоси сабтҳо дода мешаванд, бланки дигар ҳуҷҷатҳое, ки фактҳои бақайдгирии давлатии асноди ҳолати шаҳрвандиро тасдиқ мекунанд ва шакли варақаҳои ариза дар бораи бақайдгирии давлатии асноди ҳолати шаҳрвандӣ" пас аз калимаҳои "дар мақомоти сабти асноди ҳолати шаҳрвандӣ" калимаҳои "дар баробари шакли дастнависшуда инчунин" илова карда шаванд.

2. Замимаҳои 1, 2, 3, 4, 5, 6 ва 7 қарори Ҳукумати Ҷумҳурии Тоҷикистон аз 27 феврали соли 2010, №77 "Дар бораи тасдиқ намудани шакли бланкҳои сабти асноди ҳолати шаҳрвандӣ ва бланки шаҳодатномаҳое, ки дар асоси сабтҳо дода мешаванд, бланки дигар ҳуҷҷатҳое, ки фактҳои бақайдгирии давлатии асноди ҳолати шаҳрвандиро тасдиқ мекунанд ва шакли варақаҳои ариза дар бораи бақайдгирии давлатии асноди ҳолати шаҳрвандӣ" дар таҳрири нав тасдиқ карда шаванд (замимаҳои 1, 2, 3, 4, 5, 6 ва 7).

3. Шакли бланки шаҳодатномаҳои таваллуд, вафот, ақди никоқ, бекор кардани ақди никоҳ, фарзандхондӣ, муқаррар намудани падарӣ ва иваз намудани насаб, ном ва номи падар, ки бо қарори мазкур тасдиқ мегарданд, аз лаҳзаи муқаррарнамудаи Вазорати адлияи Ҷумҳурии Тоҷикистон дар амал ҷорӣ карда шаванд.