ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 21 июни соли 2018, № 332

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 21 июни соли 2018, № 332 "Дар бораи масъалаҳои Хадамоти иҷрои назди Ҳукумати Ҷумҳурии Тоҷикистон" тағйироти зерин ворид карда шавад:

1) дар банди 3 рақамҳои "305" ва "28" мувофиқан ба рақамҳои "338" ва "33" иваз карда шаванд;

2) банди 10 замимаи 1 дар таҳрири зерин ифода карда шавад:

"10. Воҳидҳои сохтории Хадамот метавонад аз раёсатҳо, шуъбаҳо ва бахшҳо оид ба самтҳои асосии фаъолияти Хадамот иборат бошад.";

3) дар замимаи 2:

- дар сархатҳои панҷум ва шашум калимаи "Бахши" ба калимаи "Шуъбаи" иваз карда шавад;

- сархати ҳафтум дар таҳрири зерин ифода карда шавад:

"Шуъбаи робитаҳои байналмилалӣ, таҳлил ва робита бо ҷомеа";

4) дар сархати чоруми замимаи 3 калимаи "Шуъбаи" ба калимаи "Раёсати" иваз карда шавад.