ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Комиссияи ҷумҳуриявӣ оид ба интихоб ва тайёр намудани мутахассисон дар давлатҳои хориҷӣ

Мутобиқи моддаи 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Низомномаи Комиссияи ҷумҳуриявӣ оид ба интихоб ва тайёр намудани мутахассисон дар давлатҳои хориҷӣ ва ҳайати Комиссияи ҷумҳуриявӣ оид ба интихоб ва тайёр намудани мутахассисон дар давлатҳои хориҷӣ тасдиқ карда шаванд (замимаҳои 1 ва 2).

2. Комиссияи ҷумҳуриявӣ оид ба интихоб ва тайёр намудани мутахассисон дар давлатҳои хориҷӣ, Вазорати маориф ва илми Ҷумҳурии Тоҷикистон, вазорату идораҳои дахлдор, мақомоти иҷроияи маҳаллии ҳокимияти давлатӣ ҳангоми интихоб ва тайёр намудани мутахассисон дар давлатҳои хориҷӣ талаботи Низомномаи Комиссияи ҷумҳуриявӣ оид ба интихоб ва тайёр намудани мутахассисон дар кишварҳои хориҷиро ба роҳбарӣ гиранд.

3. Комиссияи ҷумҳуриявӣ оид ба интихоб ва тайёр намудани мутахассисон дар давлатҳои хориҷӣ тибқи тартиби муқарраргардида ҳамасола то 15 ноябр аз натиҷаи интихоб ва тайёр намудани мутахассисон дар давлатҳои хориҷӣ ба Ҳукумати Ҷумҳурии Тоҷикистон маълумот пешниҳод намояд.

4. Қарори Ҳукумати Ҷумҳурии Тоҷикистон аз 2 апрели соли 2009, №207 "Дар бораи Низомномаи Комиссияи ҷумҳуриявӣ оид ба интихоб ва тайёр намудани кадрҳо дар муассисаҳои таҳсилоти олӣ ва илмии давлатҳои хориҷӣ" аз эътибор соқит дониста шавад.