ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби баҳисобгирии ҳуқуқвайронкуниҳои ба коррупсия алоқаманд

Мутобиқи моддаи 30 Қонуни Ҷумҳурии Тоҷикистон "Дар бораи муқовимат ба коррупсия" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Тартиби баҳисобгирии ҳуқуқвайронкуниҳои ба коррупсия алоқаманд тасдиқ карда шавад (замима мегардад).

2. Субъектҳои бевосита ба коррупсия муқовиматкунанда ҷиҳати амалисозии Тартиби мазкур чораҳои зарурӣ андешанд.

3. Қарори Ҳукумати Ҷумҳурии Тоҷикистон аз 7 сентябри соли 2006, №414 "Дар бораи тасдиқи Дастурамали баҳисобгирии омории ҷиноятҳои хусусияти коррупсионидошта ва феҳристи чунин ҷиноятҳо" аз эътибор соқит дониста шавад.

4. Қарори мазкур аз 1 январи соли 2023 мавриди амал қарор дода шавад.