ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйирот ба фармони Президенти Ҷумҳурии Тоҷикистон аз 8 сентябри соли 2008, №532

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба замимаи фармони Президенти Ҷумҳурии Тоҷикистон аз 8 сентябри соли 2008, №532 "Дар бораи тасдиқи Оинномаи интизомии кормандони воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон" тағйироти зерин ворид карда шавад:

1) дар муқаддима калимаи "сардорон" ба калимаҳои "директори Агентӣ" иваз карда шавад;

2) аз банди 1 калимаи "(Сарқонуни)" хориҷ карда шавад;

3) дар банди 2 калимаҳои "шахсони ҳайати роҳбарикунандаи" ва "ҳар як шахси ҳайати роҳбарикунанда" мувофиқан ба калимаҳои "ҳайати шахсии воҳидҳои ҳифзи ҳуқуқи" ва "ҳайати шахсии воҳидҳои ҳифзи ҳуқуқи Агентӣ" иваз карда шаванд;

4) дар банди 3;

- дар муқаддима калимаи "роҳбарикунандаи" ба калимаҳои "шахсии воҳидҳои ҳифзи ҳуқуқи" иваз карда шаванд;

- дар сархати чорум калимаи "фармонҳои" ба калимаи "фармоишҳои" иваз карда шавад;

- дар сархати шашум калимаи "яроқ" ба калимаи "силоҳ" иваз карда шавад;

5) дар банди 4 калимаи "фармонҳо" ба калимаи "фармоишҳо" иваз карда шавад.

6) дар банди 5:

- дар сархати сеюм калимаҳои "супориш ва амру фармони" ба калимаҳои "дастуру супоришҳои" иваз карда шаванд;

- дар сархати чорум пас аз калимаи "воҳидҳои" калимаҳои "ҳифзи ҳуқуқи" илова карда шаванд;

- дар сархати ҳафтум калимаҳои "арзу муроҷиатҳои шаҳрвандон" ба калимаҳои "муроҷиатҳои шахсони воқеӣ ва ҳуқуқӣ" иваз карда шаванд;

- сархати ҳаштум дар таҳрири зерин ифода карда шавад:

"- кормандонеро, ки вазифаҳои хизматиашонро софдилона иҷро менамоянд ва ба натиҷаҳои назаррас ноил гаштаанд, барои ҳавасмандгардонӣ, нисбати кормандоне, ки интизоми хизматиро вайрон намудаанд, барои татбиқи ҷазои интизомӣ ба директори Агентӣ пешниҳод манзур намоянд.";

7) дар банди 7 калимаҳои "сардороне, ки оинномаи мазкур муайян намудааст," ба калимаҳои "директори Агентӣ" иваз карда шаванд;

8) банди 8 хориҷ карда шавад;

9) дар банди 10 калимаи "фармон" ба калимаи "фармоиш" иваз карда шавад;

10) дар банди 11 калимаҳои "шахсони ҳайати роҳбарикунандаи" ба калимаҳои "ҳайати шахсии воҳидҳои ҳифзи ҳуқуқи" иваз карда шаванд;

11) дар банди 12 калимаҳои "Фармон" ва "фармон" мувофиқан ба калимаҳои "Дастур" ва "дастури" иваз карда шаванд;

12) дар банди 14 калимаи "Фармони" мувофиқан ба калимаи "Дастури" иваз карда шавад;

13) дар номи боби 2 калимаҳои "шахсони ҳайати роҳбарикунандаи" ба калимаҳои "ҳайати шахсии воҳидҳои ҳифзи ҳуқуқи" иваз карда шаванд;

14) банди 15 дар таҳрири зерин ифода карда шавад:

"15. Нисбати ҳайати шахсии воҳидҳои ҳифзи хуқуқи Агентӣ чораҳои зерини ҳавасмандгардонӣ татбиқ карда мешаванд:

- сипоснома эълон намудан;

- сарфарозгардонӣ бо ифтихорнома;

- мукофотонидан бо туҳфаи қимматнок ё маблағи пулӣ;

- сарфароз гардонидан бо медалҳои ҷашнӣ;

- дохил намудан ба Лавҳаи фахрии Агентӣ;

- пеш аз муҳлат бекор кардани ҷазои интизомии қаблан додашуда;

- пеш аз муҳлат додани рутбаи махсуси навбатӣ, танҳо як маротиба;

- нисбати рутбаи пешбининамудаи мансаби ишғолкарда як зина боло додани рутбаи махсуси навбатӣ;

- сарфарозгардонӣ бо нишони сарисинагии "Аълочии мақомоти назорати давлатии молиявӣ ва мубориза бо коррупсия".";

15) дар банди 16 калимаҳои "шахсони ҳайати роҳбарикунандаи" ба калимаҳои "ҳайати шахсии воҳидҳои ҳифзи ҳуқуқи" иваз карда шаванд;

16) банди 17 хориҷ карда шавад;

17) дар номи боби 3 калимаҳои "шахсони ҳайати роҳбарикунандаи" ба калимаҳои "ҳайати шахсии воҳидҳои ҳифзи ҳуқуқи" иваз карда шаванд;

18) сархати шашуми банди 18 хориҷ карда шавад;

19) дар сархати якуми банди 19 калимаҳои "муовинони" ва "муҷозоти" мувофиқан ба калимаҳои "муовини якум ва муовинони" ва "ҷазои" иваз карда шаванд;

20) дар сархати чоруми банди 20 калимаи "шудан" ба калимаи "нашудан" иваз карда шавад;

21) бандхои 21 ва 23 хориҷ карда шаванд;

22) дар банди 24 калимаҳои "фармон" ва "ҳайати роҳбарикунанда" мувофиқан ба калимаҳои "фармоиш" ва "ҳайати шахсии воҳидҳои ҳифзи ҳуқуқи Агентӣ" иваз карда шаванд;

23) дар банди 26 калимаҳои "зарурат аз рӯи ҳуқуқвайронкунии интизоми хизматӣ" ба калимаҳои "содир намудани ҳуқуқвайронкунӣ" иваз карда шаванд;

24) дар ҷумлаи якуми банди 30:

- дар муқаддима калимаҳои "шахсони ҳайати роҳбарикунанда" ба калимаҳои "кормандони воҳидҳои ҳифзи ҳуқуқ" иваз карда шаванд;

- дар сархати дуюм калимаи "яккаратаи" мувофиқан ба калимаи "мунтазами" иваз карда шавад;

25) банди 31 дар таҳрири зерин ифода карда шавад:

"31. Ҷазои интизомӣ бевосита баъди содир гардидани кирдори ношоям ва ё ошкор гардидани он баъди санҷиши хизматӣ дар муддати як моҳ, ба ғайр аз вақти беморӣ ё дар рухсатӣ будани корманд, татбиқ карда мешавад.";

26) дар банди 32 калимаҳои "ҳайати роҳбарикунанда" ва "фармон" мувофиқан ба калимаҳои "ҳайати шахсии воҳидҳои ҳифзи ҳуқуқи Агентӣ" ва "фармоиш" иваз карда шаванд;

27) дар банди 34 калимаҳои "ҳайати роҳбарикунанда" ба калимаҳои "ҳайати шахсии воҳидҳои ҳифзи ҳуқуқи Агентӣ" иваз карда шаванд;

28) дар номи боби 6 калимаи "муҷозоти" ба калимаи "ҷазои" иваз карда шавад;

29) дар банди 35 калимаҳои "сардори болоӣ" ва "Сардори болоӣ" мувофиқан ба калимаҳои "директори Агентӣ" ва "Директори Агентӣ" иваз карда шаванд;

30) дар банди 39 калимаҳои "ҳайати роҳбарикунанда" ба калимаҳои "ҳайати шахсии воҳидҳои ҳифзи ҳуқуқи Агентӣ" иваз карда шаванд.