ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Шӯрои амнияти озуқавории Ҷумҳурии Тоҷикистон

Мутобиқи моддаи 15 Қонуни Ҷумҳурии Тоҷикистон "Дар бораи амнияти озуқаворӣ" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Шӯрои амнияти озуқавории Ҷумҳурии Тоҷикистон таъсис дода шавад.

2. Низомнома ва ҳайати Шӯрои амнияти озуқавории Ҷумҳурии Тоҷикистон тасдиқ карда шаванд (замимаҳои 1 ва 2).

3.Вазорати кишоварзии Ҷумҳурии Тоҷикистон якҷо бо вазорату идораҳои дахлдор ва мақомоти иҷроияи маҳаллии ҳокимияти давлатӣ ҷиҳати иҷрои қарори мазкур тадбирҳои зарурӣ андешанд.

4. Қарори Ҳукумати Ҷумҳурии Тоҷикистон аз 1 августи соли 2011, №359 "Дар бораи таъсиси Шӯрои амнияти озуқавории назди Ҳукумати Ҷумҳурии Тоҷикистон" аз эътибор соқит дониста шавад.