КУМИТАИ ДАВЛАТИИ ИДОРАИ ЗАМИН ВА ГЕОДЕЗИИ ҶУМҲУРИИ ТОҶИКИСТОН

ҚАРОР

Дар бораи шакли намунавии шартномаи иҷораи қитъаи замин

200.010.000

Дар асоси сархати ҳафтуми моддаи 12 Қонуни Ҷумҳурии Тоҷикистон "Дар бораи бақайдгирии давлатии молу мулки ғайриманқул ва ҳуқуқҳо ба он", сархати сию ҳаштуми банди 4 Низомномаи Кумитаи давлатии идораи замин ва геодезии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, №225 тасдиқ шудааст ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ",

ҚАРОР МЕКУНАМ:

1. Шакли намунавии шартномаи иҷораи қитъаи замин тасдиқ карда шавад (замима мегардад).

2. Қарори мазкур тибқи тартиби муқарраргардида ба Вазорати адлияи Ҷумҳурии Тоҷикистон ҷиҳати бақайдгирии давлатӣ пешниҳод карда шавад.

3. Қарори мазкур баъд аз бақайдгирии давлатӣ ва интишори расмӣ мавриди амал қарор дода шавад.

4. Қарори раиси Кумитаи давлатии идораи замин ва геодезии Ҷумҳурии Тоҷикистон аз 4 июли соли 2018, №53 "Дар бораи тасдиқ намудани шакли намунавии шартномаи иҷораи қитъаи замин" аз эътибор соқит дониста шавад.

5. Назорати иҷрои қарори мазкур ба зиммаи муовини якуми раиси Кумита гузошта шавад.

ШАКЛИ НАМУНАВИИ ШАРТНОМАИ ИҶОРАИ ҚИТЪАИ ЗАМИН

аз "___" ______________ соли 20 __              № ____                             ______________

                                                                                    (шаҳр, ноҳия)

___________________ ______ ________________ _________________________________________ минбаъд - Иҷорадеҳ

              ( шахси ҳуқуқӣ ва ё насаб, ном ва номи падар )

дар шахси_______________________________________________________________________________________________

                           (вазифа, насаб, ном ва номи падар)

дар асоси ______________________________________________________________________________________________

                                   (номгӯйи ҳуҷҷат)

аз як тараф ва _________________________________________________________________________________________

                     (насаб, ном ва номи падари шахси воқеӣ ё номи шахси ҳуқуқӣ)

минбаъд - Иҷорагир дар асоси ___________________________________________________________________________

                                                 (номгӯйи ҳуҷҷат)

аз тарафи дигар, шартномаи иҷораи қитъаи замин (минбаъд - шартнома)-ро бо шартҳои зерин бастанд.

1. МАВЗУИ ШАРТНОМА

1. Иҷорадеҳ дар масоҳати__________________ гектар ________________, аз он ______________________________

                         (гурӯҳи замин)            (намуди замин)

________________________________________________________________________________________________________

                      (таъиноти мақсаднок ва рақами кадастрии қитъаи замин)

___________________, воқеъ дар суроғаи _________________________________________________________________

ба иҷора медиҳад.

2. Иҷорагир қитъаи замини мазкурро ба иҷора гирифта, онро мақсаднок истифода мебарад.

3. Ҳангоми бастани шартнома ба қитъаи замини ба иҷора додашуда маҳдудиятҳо (гарониҳо)-и ҳуқуқ ________________________________________

(муқаррар карда шудааст ё нашудааст)

2. МУҲЛАТИ АМАЛИ ШАРТНОМА

4. Шартнома ба муҳлати то _________ сол амал менамояд.

5. Шартнома аз лаҳзаи бақайдгирии давлатӣ басташуда дониста мешавад.

3. ҲУҚУҚИ ДАРОЗ КАРДАНИ МУҲЛАТИ АМАЛИ ШАРТНОМА

6. Баъди ба охир расидани муҳлати амали шартнома Иҷорагир ҳуқуқи бартарии бастани шартномаро дорад.

7. Дар сурати набудани аризаи яке аз тарафҳо дар бораи қатъ кардан ё тағйир додани шартнома оид ба итмоми муҳлат он бо ҳамон шартҳое, ки шартнома пешбинӣ карда буд, тамдид меёбад.

4. АНДОЗАИ МАБЛАҒИ ИҶОРА

8. Барои истифодаи қитъаи замини ба иҷора додашуда Иҷорагир ба Иҷорадеҳ маблағи иҷораро дар ҳаҷми ________сомонӣ пардохт менамояд.

9. Маблағи иҷора ҳар ________________________________________________________________ на дертар аз 10

                                       (муҳлатҳои супоридани иҷорапулӣ)

(даҳуми) моҳи дигари пардохтшаванда амалӣ карда мешавад.

10.Пардохти маблағ тибқи пули миллӣ ______________________ сурат мегирад.

                                      (нақдӣ ё ғайринақдӣ)

11. Барои дар муҳлати муқарраргардида насупоридани маблағи дар шартнома муайяншуда Иҷорагир ба Иҷорадеҳ дар ҳаҷми ___ аз маблағи умумии Шартнома барои ҳар як рӯзи батаъхиргузорӣ ҷарима пардохт мекунад.

5. ҲУҚУҚ ВА УҲДАДОРИҲОИ ТАРАФҲО

12. Иҷорадеҳ ҳуқуқ дорад:

- дар ҳолати ғайримақсаднок истифода намудани қитъаи замин ва ё вайрон кардани тарзи истифодаи он ё дар ҳолати зиёда аз 6 моҳ пардохт накардани маблағи иҷора пеш аз муҳлат шартномаро бекор кунад.

- бе мамоният ба ҳудуди қитъаи замини иҷора бо мақсади назорат оид ба истифодаи дурусти он ворид шавад;

- маблағи зарари ба сифат ва ҳосилнокии замини иҷрора расонидаро дар асоси қонунгузории Ҷумҳурии Тоҷикистон талаб намояд.

13. Иҷорадеҳ уҳдадор аст:

- заминро ба Иҷорагир дар ҳолате супорад, ки барои таъиноти дар шартнома пешбинишуда мутобиқ бошад;

- чорабиниҳоро барои фароҳам овардани шароити зарурӣ ба мақсади истифодаи самараноки замини ба иҷора додашуда амалӣ гардонад;

- ҳангоми бо талаби Иҷорагир қатъ кардани шартномаи иҷораи замин хароҷотҳои зарурӣ, аз ҷумла маблағи ҳосили ғундоштанашударо ҷуброн намояд.

14. Иҷорагир ҳуқуқ дорад:

- қитъаи замини иҷораро дар асоси шартҳои шартномаи мазкур истифода намояд;

- дар мувофиқа бо Иҷорадеҳ ва қонунгузории Ҷумҳурии Тоҷикистон қитъаи замини иҷора ё қисми онро ба иҷораи фаръӣ супорад ва ё ҳуқуқҳои худро пурра ба шахси сеюм диҳад;

- оид ба ворид намудани тағйирот ва ё иловагӣ ба шартҳои шартномаи мазкур ба Иҷорадеҳ таклифу дархост пешниҳод намояд.

15. Иҷорагир уҳдадор аст:

- заминро аз рӯйи таъинот ва мувофиқи шартҳои муайяншуда истифода барад;

- заминро оқилона ва самаранок истифода барад;

- барои беҳтар намудани ҳолати замин чораҳо андешад;

- маблағи иҷораро сари вақт пардохт намояд;

- баъди ба итмом расидани муҳлати амали шартномаи қитъаи замин ба ҳолати зарурӣ ба Иҷорадеҳ баргардонад.

6. ҶАВОБГАРИИ ТАРАФҲО ВА ТАРТИБИ ҲАЛЛИ БАҲСҲО

16. Тарафҳо барои иҷро накардан ё иҷрои номатлуби уҳдадориҳо аз рӯйи шартномаи мазкур дар асоси қонунгузории амалкунандаи Ҷумҳурии Тоҷикистон ҷавобгарӣ ба зимма доранд.

17. Баҳсҳое, ки аз шартномаи мазкур бармеояд, тарафҳо бо роҳи гуфтушунид баррасӣ менамоянд.

18. Дар мавриди ба мувофиқа наомадани тарафҳо оид ба ҳалли баҳсҳо он бо тартиби судӣ баррасӣ мегардад.

7. ҲОЛАТҲОИ РАФЪНОПАЗИР

19. Тарафҳо барои иҷро накардан ё иҷрои номатлуби уҳдадориҳо аз рӯйи шартномаи мазкур аз ҷавобгарӣ озод карда мешаванд, агар имконнопазирии иҷро ба қувваи рафънопазир алоқаманд буда, дар натиҷаи ҳолатҳои фавқулода ва ғайричашмдошт ба миён омада бошад.

20. Тарафҳо зери мафҳуми ҳолатҳои рафънопазир чунин ҳолатҳоро мувофиқа намуданд: обхезӣ, заминҷунбӣ, офатҳои табиӣ, қабули қарорҳо аз тарафи мақомоти иҷроияи маҳаллии ҳокимияти давлатӣ, ки ба иродаи тарафҳо вобастагӣ надоранд ва иҷрои шартномаи мазкурро ғайриимкон месозад.

8. ТАҒЙИР ДОДАН, БЕКОР КАРДАН ВА ҚАТЪ НАМУДАНИ ШАРТНОМАИ ИҶОРА

21. Тағйир додани шартҳои шартнома, пеш аз муҳлат бекор намудан ва қатъи он бо розигии тарафҳо сурат мегирад.

22. Шартномаи иҷора метавонад дар асоси санади судӣ тибқи талаботи қонунгузории Ҷумҳурии Тоҷикистон бекор карда шавад.

23. Шартномаи иҷора аз лаҳзаи бақайдгирии давлатии қатъи ҳуқуқ қатъгардида ҳисобида мешавад.

9. МУҚАРРАРОТИ ХОТИМАВӢ

24. Тағйир ёфтани соҳибҳуқуқи қитъаи замин барои бекор гардидани шартномаи мазкур асос шуда наметавонад.

25. Дар мавриди азнавташкилдиҳии шахси ҳуқуқӣ, ки яке аз тарафҳои шартнома мебошад, ҳамаи ҳуқуқ ва уҳдадориҳо, ки аз шартномаи мазкур бармеояд, ба вориси шахси ҳуқуқии азнавташкилшуда мегузарад.

26. Шартномаи мазкур дар 2 (ду) нусха ба забони давлатӣ таҳия шуда, якнусхагӣ ба Иҷорадеҳ ва Иҷорагир дода мешавад, ки ҳар ду эътибори баробар доранд.

10. СУРОҒАИ ҲУҚУҚӢ ВА МУШАХХАСОТИ БОНКИИ ТАРАФҲО

              "Иҷорадеҳ"                                                        "Иҷорагир"

Эзоҳ: Шартномаи мазкур намунавӣ буда, вобаста ба намуди замин шартҳои он тибқи муқаррароти қонунгузории Ҷумҳурии Тоҷикистон тағйир меёбад.