Тартиби таъсис ва истифодабарии захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд

1. МУҚАРРАРОТИ УМУМӢ

1. Тартиби таъсис ва истифодабарии захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, дар асоси Қонуни Ҷумҳурии Тоҷикистон "Дар бораи таъмини оби нӯшокӣ ва рафъи обҳои партов" таҳия гардида, тартиби таъсис, истифодабарӣ, номгӯй, ҳаҷм ва манбаҳои ташаккули захираҳои молиявӣ ва моддию техникиро барои барқарорсозии шабакаҳои таъмини оби нӯшокӣ ва рафъи обҳои партов, ки ҳангоми ба вуқуъ омадани ҳолатҳои фавқулода зарар дидаанд, муайян месозад.

2. Захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, бо мақсади ҷалби фаврии воситаҳои зарурӣ дар ҳолати ба вуқӯъ омадани ҳолатҳои фавқулода барои барқарорсозии шабакаҳои таъмини оби нӯшокӣ ва рафъи обҳои партов равона мегарданд.

2. ТАЪСИС ДОДАНИ ЗАХИРАҲОИ МОЛИЯВӢ ВА МОДДИЮ ТЕХНИКӢ

3. Захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, бо қарори маъмурияти корхонаҳо, муассисаҳо ва дигар ташкилоти шабакаҳои таъмини оби нӯшокӣ ва рафъи обҳои партов, новобаста аз шакли ташкилию ҳуқуқӣ, таъсис дода мешаванд.

4. Захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, дар асоси пешгӯии намуд ва ҳаҷми ҳолатҳои фавқулода, ҳаҷми пешбинишудаи корҳо оид ба рафъи онҳо, инчунин истифодаи ҳадди имконпазири неру ва воситаҳои мавҷуда барои рафъи ҳолатҳои фавқулода ва барқарорсозии шабакаҳои таъмини оби нӯшокӣ ва рафъи обҳои партов таъсис дода мешавад.

3. НОМГӯЙ ВА ҲАҶМИ ИСТИФОДАБАРИИ ЗАХИРАҲОИ МОЛИЯВӢ ВА МОДДИЮ ТЕХНИКӢ

5. Номгӯй ва хаҷми истифодабарии захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, аз ҷониби субъектҳои таъсисдиҳандаи ин захираҳо муайян карда мешаванд.

6. Захираҳои моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд дар иншооте ҷойгир карда мешаванд, ки аз ҷониби субъектҳои таъсисдиҳандаи ин захираҳо муайян шудаанд ва аз он ҷо интиқоли фаврии онҳо ба минтақаҳои ҳолати фавқулода имконпазир аст.

7. Захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, ҳангоми бартараф намудани садамаҳои шабакаҳои таъмини оби нӯшокӣ ва рафъи обҳои партов, барои ҷойгиркунӣ ва нигоҳдории нуқтаҳои зисти муваққатӣ ва хӯрокворӣ барои кормандоне, ки дар барқарорсозии ин шабакаҳо иштирок мекунанд ва расонидани кумаки яквақтаи моддӣ, ба онҳо истифода бурда мешаванд.

4. МАНБАЪҲОИ ТАШАККУЛИ ЗАХИРАҲОИ МОЛИЯВӢ ВА МОДДИЮ ТЕХНИКӢ

8. Манбаъҳои захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, аз ҳисоби маблағҳои зерин ташаккул меёбанд:

- аз ҳисоби маблағҳои худи корхонаҳо, муассисаҳо ва дигар ташкилотҳои шабакаҳои таъмини оби нӯшокӣ ва рафъи обҳои партов новобаста аз шакли ташкилию ҳукуқӣ;

- аз ҳисоби маблағҳои сармоягузорӣ, грантии шарикони рушд ва маблағҳои соҳибкорони маҳаллӣ;

- аз ҳисоби маблағи барзиёдии даромад нисбат ба хароҷоти буҷети маҳаллӣ ва фонди захиравии раисони мақомоти иҷроияи маҳаллии ҳокимияти давлатӣ.

9. Дар ҳолати нокифоя будани захираҳои молиявӣ ва моддию техникӣ, захираҳо метавонад аз ҳисоби дигар манбаъҳое, ки қонунгузорӣ манъ накардааст, ташаккул ёбанд.

5. МУҚАРРАРОТИ ХОТИМАВӢ

10. Вазорати молияи Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон роҳбарӣ ва назорати дахлдори методиро оид ба ташкил, истифодаи захираҳои молиявӣ ва моддию техникӣ барои барқарорсозии шабакаҳои таъмини оби нӯшокӣ ва рафъи обҳои партов, ки зери таъсири манфии ҳолатҳои фавқулода қарор гирифтаанд, дар хаҷми на камтар аз ҳиссаҷудокуниҳои истеҳлокии фондҳои асосӣ, ки бо меъёрҳои ягонаи Ҷумҳурии Тоҷикистон муқаррар карда шудаанд ва ҷадвали воситаҳои асосие, ки ба гурӯҳҳои истеҳлокӣ дохил карда шудаанд, амалӣ менамоянд.