ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Барномаи сармоягузориҳои давлатӣ барои солҳои 2021-2025

Мутобиқи моддаи 11 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои рушди иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Барномаи сармоягузориҳои давлатӣ барои солҳои 2021-2025 ва Номгӯи лоиҳаҳои сармоягузории давлатӣ барои солҳои 2021-2025 тасдиқкарда шаванд (замимаҳои 1 ва 2).

2. Вазорату идораҳо ва мақомоти иҷроияи маҳаллии ҳокимияти давлатӣ ҳангоми ҷалби сармоягузориҳои дохилию хориҷӣ ба лоиҳаҳои Барномаи сармоягузориҳои давлатӣ барои солҳои 2021-2025 аҳамияти афзалиятнок дода, ҷиҳати амалисозии барнома чораҳои зарурӣ андешанд.