ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030

Мутобиқи моддаи 11 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои рушди иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030 ва Нақшаи чорабиниҳо вобаста ба амалӣ намудани Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030 тасдиқ карда шаванд (замимаҳои 1 ва 2).

2. Вазорату идораҳо амалисозии самараноки барномаи мазкур ва нақшаи чорабиниҳои онро таъмин карда, оид ба иҷрои онҳо ҳар сол то 1 феврал ба Прокуратураи генералии Ҷумҳурии Тоҷикистон маълумот пешниҳод намоянд.

3. Прокуратураи генералии Ҷумҳурии Тоҷикистон оид ба рафти иҷрои барномаи мазкур ва нақшаи чорабиниҳои он ҳар сол то 15 феврал ба Ҳукумати Ҷумҳурии Тоҷикистон маълумот пешниҳод намояд.