ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 28 декабри соли 2006, №587

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 2 қарори Ҳукумати Ҷумҳурии Тоҷикистон аз 28 декабри соли 2006, № 587 "Дар бораи Вазорати адлияи Ҷумҳурии Тоҷикистон" рақамҳои "435" ва "97" мувофиқан ба рақамҳои "464" ва "118" иваз карда шаванд.

2. Ба замимаи 1 қарори Ҳукумати Ҷумҳурии Тоҷикистон аз 28 декабри соли 2006, №587 "Дар бораи Вазорати адлияи Ҷумҳурии Тоҷикистон" тағйиру иловаи зерин ворид карда шаванд:

- дар сархати дуюми зербанди 6) банди 6 калимаи "ташхиси" ба калимаи "экспертизаи" иваз карда шавад;

- дар сархати ёздаҳуми банди 15 пас аз калимаҳои "тасдиқ менамояд" аломат ва калимаҳои ", ба истиснои оинномаи Маркази ҷумҳуриявии экспертизаи судӣ ва криминалистӣ" илова карда шаванд.

3. Ба замимаи 2 қарори Ҳукумати Ҷумҳурии Тоҷикистон аз 28 декабри соли 2006, №587 "Дар бораи Вазорати адлияи Ҷумҳурии Тоҷикистон" тағйироти зерин ворид карда шавад:

- сархатҳои нуҳум ва даҳум дар таҳрири зерин ифода карда шаванд:

"Раёсати коргузорӣ ва назорат

Шуъбаи апостилгузорӣ ба ҳуҷҷатҳои расмии давлатӣ ва бақайдгирии давлатии уҳдадориҳои таъминшуда";

- сархати ёздаҳум хориҷ карда шавад.