ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 ноябри соли 2019, №550

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Тартиби иҷозатдиҳӣ ба идоракунии воситаҳои нақлиёт, ки бо қарори Ҳукумати Ҷумҳурии Тоҷикистон аз 1 ноябри соли 2019, № 550 "Дар бораи Тартиби иҷозатдиҳӣ ба идоракунии воситаҳои нақлиёт" тасдиқ шудааст, тағйиру иловаҳои зерин ворид карда шаванд:

- ба банди 8 ҷумлаи дуюм бо мазмуни зерин илова карда шавад:

"Ҳангоми ба шаҳрвандон додани шаҳодатномаи ронандагӣ барои идоракунии воситаҳои нақлиёти категорияи "А", "В", "С", "D", "СЕ", "DЕ" дар як вақт аз тарафи воҳидҳои бақайдгирию имтиҳонотии бозрасии давлатии автомобилӣ дар банди 9 шаҳодатномаи ронандагӣ мувофиқан зеркатегорияҳои "А1", "В1", "С1", "D1", "С1Е", "D1Е" чоп карда мешавад.";

- ба банди 14 ҷумлаи дуюм бо мазмуни зерин илова карда шавад:

"Зимнан ҳуқуқи таҳсил дар курсҳои таълимӣ оид ба тайёр кардани ронандагони воситаҳои нақлиёти категорияҳои (зеркатегорияҳои) "ВЕ", "СЕ", "DЕ", "С1Е", "D1Е" ба ронандагоне дода мешавад, ки дар шаҳодатномаи ронандагии онҳо иҷозати идоракунии воситаҳои нақлиёти мувофиқан категорияҳои (зеркатегорияҳои) "В", "С", "D", "С1", "D1" қайд шудааст, на кам аз як сол собиқаи идоракунии воситаҳои нақлиёти автомобилии категорияҳои (зеркатегорияҳои) дахлдорро доранд ва дар муҳлатҳои муқарраршуда аз муоинаи тиббӣ гузаштаанд.";

- дар банди 17 калимаҳои "категорияҳои (зеркатегорияҳои) "А", "А1", "В", "В1" ва аз категорияи "D" ба категорияҳои (зеркатегорияҳои) "А", "А1", "В", "В1", "С", "С1" ба калимаҳои "аз категорияи "В" ба категорияи (зеркатегорияи) "А", "А1", аз категорияи "С" ба категорияҳои (зеркатегорияҳои) "А", "А1", "В", "В1" ва аз категорияи "D" ба категорияҳои (зеркагегорияҳои) "A", "А1", "В", "В1", "С", "С1" иваз карда шаванд;

- банди 18 дар таҳрири зерин ифода карда шавад:

"18. Агар гурӯҳи таълимӣ оид ба тайёр кардани ронандагони воситаҳои нақлиёти категорияҳои "В", "С" ва "О", ки то мавриди амал қарор гирифтани Тартиб дар бозрасии давлатии автомобилӣ ба қайд гирифта шуда бошад ва таълим пас аз мавриди амал қарор гирифтани Тартиб анҷом ёбад, шунавандагони он баъд аз супоридани имтиҳонҳои назариявӣ ва амалӣ дар бозрасии давлатии автомобилӣ аз категорияҳои дахлдор ба супоридани имтиҳони амалӣ барои гирифтани ҳуқуқи ронандагии воситаҳои нақлиёти категорияи (зеркатегорияи) дахлдор тибқи банди 17 Тартиби мазкур иҷозат дода мешаванд. Ба шахсони мазкур ҳуқуқ барои идоракунии воситаҳои нақлиёти категорияи "С" баъд аз расидан ба синни ҳаждаҳ ва категорияҳои "D", "Тm", "Тb" баъд аз расидан ба синни бисту як дода мешавад.

Эзоҳ: Талаботи банди мазкур нисбати шахсоне татбиқ мегардад, ки муассисаҳои таълимиро оид ба тайёр кардани ронандагони воситаҳои нақлиёт то мавриди амал қарор гирифтани Тартиби мазкур хатм намудаанд.";

- сархати сеюми банди 32 дар таҳрири зерин ифода карда шавад:

"- воситаҳои нақлиёти категорияи "С" - ба шахсоне, ки ба синни нуздаҳ (19) расидаанд, (аз синии ҳаждаҳ (18) ба шахсоне, ки тибқи роҳхати комиссариатҳои ҳарбӣ дар муассисаҳои таълимии Ташкилоти ҷамъиятии мададгори мудофиа ба таҳсил ҷалб гаштаанд);";

- дар банди 37 баъд аз калимаҳои "барои категорияҳои "ВЕ", "СЕ", "DЕ"" калимаҳои "ё то мавриди амал қарор гирифтани қарори мазкур категорияи "Е"" илова карда шаванд;

- дар банди 38 баъд аз калимаҳои "барои зеркатегорияҳои "С1Е", "D1Е"" калимаҳои "ё то мавриди амал қарор гирифтани қарори мазкур категорияи "Е"" илова карда шаванд;

- ба банди 51 эзоҳ бо мазмуни зерин илова карда шавад:

"Эзоҳ: Гувоҳнома дар бораи хатми курсҳои таълимӣ оид ба тайёр кардани (бозомӯзии) ронандагони воситаҳои нақлиёти категорияҳои "А", "В", "С", "D", "ВЕ", "СЕ", "DЕ" метавонад ҷиҳати гирифтани шаҳодатномаи ронандагӣ барои идоракунии воситаҳои нақлиёти мувофиқан зеркатегорияҳои "А1", "B1", "С1", "D1", "С1Е", "D1Е" асос шавад.".