Ҳукумати Ҷумҳурии Тоҷикистон

ҚАРОР

Дар бораи Тартиби ворид намудан ва муҳлати нигоҳдошт дар қабулгоҳ-таҳвилгоҳи ноболиғон

Мутобиқи моддаи 10 Қонуни Ҷумҳурии Тоҷикистон "Дар бораи низоми огоҳонӣ ва пешгирии ҳуқуқвайронкунии ноболиғон" Ҳукумати Ҷумҳурии Тоҷикистон қарор мекунад:

1. Тартиби ворид намудан ва муҳлати нигоҳдошт дар қабулгоҳтаҳвилгоҳи ноболиғон тасдиқ карда шавад (замима мегардад).

2. Вазорати корҳои дохилии Ҷумҳурии Тоҷикистон якҷо бо Вазорати маориф ва илми Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати меҳнат, муҳоҷират ва шуғли аҳолии Ҷумҳурии Тоҷикистон ва мақомоти иҷроияи маҳаллии ҳокимияти давлатӣ барои амалӣ кардани тартиби мазкур чораҳои зарурӣ андешад.

3. Маблағгузории тартиби мазкур аз ҳисоби маблағҳое, ки дар буҷети давлатӣ барои вазорату идораҳои дахлдор пешбинӣ шудаанд ва манбаъҳои ғайрибуҷетӣ таъмин карда шавад.