Ҳукумати Ҷумҳурии Тоҷикистон

ҚАРОР

Дар бораи Тартиби таъсис додани фондҳои боварии таъмини оби нӯшокӣ ва рафъи обҳои партов

Мутобиқи моддаи 15 Қонуни Ҷумҳурии Тоҷикистон "Дар бораи таъмини оби нӯшокӣ ва рафъи обҳои партов" Ҳукумати Ҷумҳурии Тоҷикистон қарор мекунад:

1. Тартиби таъсис додани фондҳои боварии таъмини оби нӯшокӣ ва рафъи обҳои партов тасдиқ карда шавад (замима мегардад).

2. Мақомоти иҷроияи маҳаллии ҳокимияти давлатӣ ҷиҳати амалӣ намудани Тартиби мазкур ҳангоми таъсис додани фонд чораҳои зарурӣ андешанд.