Ҳукумати Ҷумҳурии Тоҷикистон

ҚАРОР

Дар бораи Низомномаи намунавии муассисаҳои тайёрии варзишӣ дар Ҷумҳурии Тоҷикистон, меъёри заминавии музди меҳнат ва иловапулиҳо дар муассисаҳои мазкур

Мутобиқи моддаи 11 Қонуни Ҷумҳурии Тоҷикистои "Дар бораи тайёрии варзишӣ" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Низомномаи намунавии муассисаҳои тайёрии варзишӣ дар Ҷумҳурии Тоҷикистон тасдиқ карда шавад (замимаи 1).

2. Меъёри заминавии музди меҳнати роҳбарон ва кормандони (мураббиёни) муассисаҳои тайёрии варзишӣ, меъёрҳои иловапулӣ барои дастовардҳои намоёни варзишгарон ба мураббиёни муассисаҳои тайёрии варзишӣ, меъёрҳои иловапулӣ ба мураббиён вобаста ба намуди муассиса ва зинаҳои тайёрии варзишӣ ва меъёрҳои иловапулӣ барои роҳбарият ва ҳайати мураббиёни муассисаҳои тайёрии варзишӣ барои собиқаи корӣ ва унвонҳо тасдиқ карда шаванд (замимаҳои 2, 3, 4 ва 5).

3. Вазорату идораҳои дахлдор, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо иҷрои санади меъёрии ҳуқуқии мазкурро таъмин намоянд.

4. Вазорату идораҳо, мақомоти иҷроияи ҳокимияти давлатӣ ва ташкилоту муассисаҳои дигар бо мақсади ташаккули тарзи ҳаёти солим дар заминаи бино ва толорҳои муассисаҳои худ клубҳо ва бахшҳои варзишӣ таъсис диҳанд.

5. Қарори Ҳукумати Ҷумҳурии Тоҷикистон аз 23 августи соли 2016, № 367 "Дар бораи Низомномаи намунавии муассисаҳои тайёрии варзишӣ дар Ҷумҳурии Тоҷикистон ва меъёрҳои иловапулӣ дар соҳаи варзиш" аз эътибор соқит дониста шавад.